lat

BREVIARIUM ROMANUM

21 november 2020
In præsentatione beátæ Mariæ Virginis


Hac die dedicationis (543) ecclesiæ Sanctæ Mariæ Novæ, prope templum Hierosolymitanum exstructæ, una cum Orientalibus christianis celebramus «dedicationem», quam sui ipsius Deo ab infantia exhibuit Maria, movente Spiritu Sancto, cuius gratia repleta erat in conceptione sua immaculata.

AD INVITATORIUM

    Invitatorium locum suum habet initio totius cursus orationis cotidianæ, scilicet præponitur aut Officio lectionis, aut Laudibus matutinis, prout ab alterutra actione liturgica dies incipit.
    Psalmo 94 (95) substitui potest psalmus 99 (100), vel 66 (67), vel 23 (24), qui, si occurrit in Officio, eius loco dicitur psalmus 94 (95).

V. Dómine, lábia mea apéries.
R. Et os meum annuntiábit laudem tuam.

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.

Psalmus 94 (95)

1 Veníte, exsultémus Dómino; *
      iubilémus Deo salutári nostro.

2  Præoccupémus fáciem eius in confessióne *
      et in psalmis iubilémus ei.

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.

3 Quóniam Deus magnus Dóminus *
      et rex magnus super omnes deos.

4 Quia in manu eius sunt profúnda terræ, *
      et altitúdines móntium ipsíus sunt.

5 Quóniam ipsíus est mare, et ipse fecit illud, *
      et siccam manus eius formavérunt.

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.

6 Veníte, adorémus et procidámus *
      et génua flectámus ante Dóminum, qui fecit nos,

7 quia ipse est Deus noster, *
      et nos pópulus páscuæ eius et oves manus eius.

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.

   Utinam hódie vocem eius audiátis: *
8     «Nolíte obduráre corda vestra,
   sicut in Meríba secúndum diem Massa in desérto, †

9    ubi tentavérunt me patres vestri: *
     probavérunt me, etsi vidérunt ópera mea.

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.

10 Quadragínta annis tǽduit me generatiónis illíus, *
       et dixi: Pópulus errántium corde sunt isti.

11 Et ipsi non cognovérunt vias meas; †
       ídeo iurávi in ira mea: *
       Non introíbunt in réquiem meam».

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.


Vel:
(Psalmus sequens in psalterio currente adhibitur feria VI hebd. I atque feria VI hebd. III)

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.

Psalmus 99 (100)

1 Iubiláte Dómino, omnis terra, *
      servíte Dómino in lætítia;
2 introíte in conspéctu eius *
      in exsultatióne. –

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.

3 Scitóte quóniam Dóminus ipse est Deus; †
      ipse fecit nos, et ipsíus sumus, *
      pópulus eius et oves páscuæ eius. –

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.

4 Introíte portas eius in confessióne, †
      átria eius in hymnis, *
      confitémini illi, benedícite nómini eius. –

5 Quóniam suávis est Dóminus; †
      in ætérnum misericórdia eius, *
      et usque in generatiónem et generatiónem véritas eius.

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.


Vel:
(Psalmus sequens in psalterio currente adhibitur feria IV hebd. II atque feria III hebd. III)

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.

Psalmus 66 (67)

2 Deus misereátur nostri et benedícat nobis; *
      illúminet vultum suum super nos,

3 ut cognoscátur in terra via tua, *
      in ómnibus géntibus salutáre tuum. –

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.

4 Confiteántur tibi pópuli, Deus; *
      confiteántur tibi pópuli omnes.

5 Læténtur et exsúltent gentes, †
      quóniam iúdicas pópulos in æquitáte *
      et gentes in terra dírigis. –

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.

6 Confiteántur tibi pópuli, Deus, *
      confiteántur tibi pópuli omnes.

7 Terra dedit fructum suum; *
      benedícat nos Deus, Deus noster,

8 benedícat nos Deus, *
      et métuant eum omnes fines terræ.

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.


Vel:
(Psalmus sequens in psalterio currente adhibitur feria III hebd. I atque dominica hebd. IV)

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.

Psalmus 23 (24)

1 Dómini est terra et plenitúdo eius, *
      orbis terrárum et qui hábitant in eo.

2 Quia ipse super mária fundávit eum *
      et super flúmina firmávit eum. –

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.

3 Quis ascéndet in montem Dómini, *
      aut quis stabit in loco sancto eius?

4 Innocens mánibus et mundo corde, †
      qui non levávit ad vana ánimam suam, *
      nec iurávit in dolum.

5 Hic accípiet benedictiónem a Dómino *
      et iustificatiónem a Deo salutári suo.
6 Hæc est generátio quæréntium eum, *
      quæréntium fáciem Dei Iacob. –

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.

7 Attóllite, portæ, cápita vestra, †
      et elevámini, portæ æternáles, *
      et introíbit rex glóriæ.

8 Quis est iste rex glóriæ? *
      Dóminus fortis et potens, Dóminus potens in prœlio. –

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.

9 Attóllite, portæ, cápita vestra, †
      et elevámini, portæ æternáles, *
      et introíbit rex glóriæ.

10 Quis est iste rex glóriæ? *
      Dóminus virtútum ipse est rex glóriæ.

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Christum, Fílium Maríæ, veníte, adorémus.
Vel: Festivitátem beátæ Maríæ Vírginis celebrántes, iubilémus Dómino.

Breviarium Romanum

textus in versione electronica © 2000-2023 Ing. Karel Mracek Dr.h.c. (fr. Pavel, diaconus, CZ)