☼ lat ☰

BREVIARIUM ROMANUM

28 ianuarius 2021
Pro O.P.: S. Thomæ de Aquino, presbyteri et Ecclesiæ doctoris


In castello Roccasecca [Italia] natus est a. 1225. A prima iuventute Ordinem Prædicatorum elegit Neapoli (a. 1244) contra suorum voluntatem. Ad principaliora studiorum centra illius temporis accedens (Coloniam, Parisios, Romam, Neapolim), vitæ innocentia et præclara in regularibus observantiis fidelitate summopere enituit. Munus Ordini proprium, idest verbi Dei ministerium in voluntaria paupertate, in eo formam induit diuturni laboris theologici: veritatis studiose investigandæ, peramanter contemplandæ aliisque tradendæ. Proprias itaque vires totaliter in servitium veritatis impendit, ipsam assequendi cupidus, undique provenientem amplectens, illamque aliis participandi desiderio flagrans. Humilitate ac humanissima conversatione prænitens, magister extitit sacræ doctrinæ excelsus atque evangelicæ veritatis gratiosus prædicator. Plura, divina et humana sapientia referta, tradidit quæ arctissimam cohærentiam inter divinam revelationem et humanæ rationis inventa pulchre commonstrant.

Christo Salvatori devotissimus, signanter in Crucis passione et in Eucharistiæ mysterio — quod liturgicis compositionibus extulit — filiali quoque erga Deiparam Virginem Mariam pietate flagravit. Obiit Fossæ Novæ [Fossanova], die 7 martii 1274, cum ad Lugdunense Concilium iter faceret. A Ioanne XXII, die 18 iulii 1323 in sanctorum numerum relatus fuit. A S. Pio V, die 11 aprilis 1567 quintus Latinæ Ecclesiæ Doctor declaratus est. A Leone XIII, die 4 augusti 1880, omnium Universitatum et Scholarum catholicarum Patronus proclamatus fuit. Eius festum, attentis liturgiæ instauratæ rationibus, hodierna celebratur die in qua translatio ipsius corporis Tolosam recolitur.

AD INVITATORIUM

    Invitatorium locum suum habet initio totius cursus orationis cotidianæ, scilicet præponitur aut Officio lectionis, aut Laudibus matutinis, prout ab alterutra actione liturgica dies incipit.
    Psalmo 94 (95) substitui potest psalmus 99 (100), vel 66 (67), vel 23 (24), qui, si occurrit in Officio, eius loco dicitur psalmus 94 (95).

V. Dómine, lábia mea apéries.
R. Et os meum annuntiábit laudem tuam.

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

Psalmus 94 (95)

1 Veníte, exsultémus Dómino; *
      iubilémus Deo salutári nostro.
2  Præoccupémus fáciem eius in confessióne *
      et in psalmis iubilémus ei.

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

3 Quóniam Deus magnus Dóminus *
      et rex magnus super omnes deos.
4 Quia in manu eius sunt profúnda terræ, *
      et altitúdines móntium ipsíus sunt.
5 Quóniam ipsíus est mare, et ipse fecit illud, *
      et siccam manus eius formavérunt.

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

6 Veníte, adorémus et procidámus *
      et génua flectámus ante Dóminum, qui fecit nos,
7 quia ipse est Deus noster, *
      et nos pópulus páscuæ eius et oves manus eius.

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

   Utinam hódie vocem eius audiátis: *
8     «Nolíte obduráre corda vestra,
   sicut in Meríba secúndum diem Massa in desérto, †
9    ubi tentavérunt me patres vestri: *
     probavérunt me, etsi vidérunt ópera mea.

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

10 Quadragínta annis tǽduit me generatiónis illíus, *
       et dixi: Pópulus errántium corde sunt isti.
11 Et ipsi non cognovérunt vias meas; †
       ídeo iurávi in ira mea: *
       Non introíbunt in réquiem meam».

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

Vel:
(Psalmus sequens in psalterio currente adhibitur feria VI hebd. I atque feria VI hebd. III)

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

Psalmus 99 (100)

1 Iubiláte Dómino, omnis terra, *
      servíte Dómino in lætítia;
2 introíte in conspéctu eius *
      in exsultatióne. –

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

3 Scitóte quóniam Dóminus ipse est Deus; †
      ipse fecit nos, et ipsíus sumus, *
      pópulus eius et oves páscuæ eius. –

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

4 Introíte portas eius in confessióne, †
      átria eius in hymnis, *
      confitémini illi, benedícite nómini eius. –
5 Quóniam suávis est Dóminus; †
      in ætérnum misericórdia eius, *
      et usque in generatiónem et generatiónem véritas eius.

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

Vel:
(Psalmus sequens in psalterio currente adhibitur feria IV hebd. II atque feria III hebd. III)

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

Psalmus 66 (67)

2 Deus misereátur nostri et benedícat nobis; *
      illúminet vultum suum super nos,
3 ut cognoscátur in terra via tua, *
      in ómnibus géntibus salutáre tuum. –

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

4 Confiteántur tibi pópuli, Deus; *
      confiteántur tibi pópuli omnes.
5 Læténtur et exsúltent gentes, †
      quóniam iúdicas pópulos in æquitáte *
      et gentes in terra dírigis. –

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

6 Confiteántur tibi pópuli, Deus, *
      confiteántur tibi pópuli omnes.
7 Terra dedit fructum suum; *
      benedícat nos Deus, Deus noster,
8 benedícat nos Deus, *
      et métuant eum omnes fines terræ.

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

Vel:
(Psalmus sequens in psalterio currente adhibitur feria III hebd. I atque dominica hebd. IV)

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

Psalmus 23 (24)

1 Dómini est terra et plenitúdo eius, *
      orbis terrárum et qui hábitant in eo.
2 Quia ipse super mária fundávit eum *
      et super flúmina firmávit eum. –

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

3 Quis ascéndet in montem Dómini, *
      aut quis stabit in loco sancto eius?
4 Innocens mánibus et mundo corde, †
      qui non levávit ad vana ánimam suam, *
      nec iurávit in dolum.
5 Hic accípiet benedictiónem a Dómino *
      et iustificatiónem a Deo salutári suo.
6 Hæc est generátio quæréntium eum, *
      quæréntium fáciem Dei Iacob. –

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

7 Attóllite, portæ, cápita vestra, †
      et elevámini, portæ æternáles, *
      et introíbit rex glóriæ.
8 Quis est iste rex glóriæ? *
      Dóminus fortis et potens, Dóminus potens in prœlio. –

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

9 Attóllite, portæ, cápita vestra, †
      et elevámini, portæ æternáles, *
      et introíbit rex glóriæ.
10 Quis est iste rex glóriæ? *
      Dóminus virtútum ipse est rex glóriæ.

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Fontem sapiéntiæ, Dóminum, veníte, adorémus.

Vel, præsertim in cantu: Adsunt doctóris cǽlici Thomæ festa sollémnia: * Devotióne súpplici laudes promat Ecclésia.

Breviarium Romanum

textus in versione electronica © 2000-2023 Ing. Karel Mracek Dr.h.c. (fr. Pavel, diaconus, CZ)