[ Coniunctiones abscondere ]

« October 2018 »
DoIIIIIIVVVISa
 123456
78910111213
14151617181920
21222324252627
28293031 


15. october 2018, Feria II.
hebd. IV

S. Teresiæ a Iesu, virginis et Ecclesiæ doctoris, memoria


ad invitatorium
ad officium lect.
ad laudes mat. - comb.
ad tertiam - compl.
ad sextam - compl.
ad nonam - compl.
ad vesperas
ad completorium


Communia non aplicare
ordinarium
horas componere
communia

Errata

BREVIARIUM ROMANUM

Denní modlitba církve (breviář) ze serveru http://breviar.op.cz

ANTIPHONÆ DOMINICANÆ TRADITIONALES

Salve Regina | O lumen | Litaniæ Lauretanæ | O spem miram | Ave, florum flos* | Manum suam*

SALVE REGINA

Salve, Regína, Mater misericórdiæ;
vita, dulcédo et spes nostra, salve.
Ad te clamámus, éxsules fílii Evæ.
Ad te suspirámus, geméntes et flentes
in hac lacrimárum valle.
Eia ergo, advocáta nostra,
illos tuos misericórdes óculos ad nos convérte.
Et Iesum, benedíctum fructum ventris tui,
nobis post hoc exsílium osténde.
O clemens, o pia, o dulcis Virgo María. (T. P. Allelúia.)

V. Dignáre me laudáre te, Virgo sacráta. (T. P. Allelúia.)
R. Da mihi virtútem contra hostes tuos. (T. P. Allelúia.)

H. Orémus:
Concéde nos fámulos tuos, quǽsumus, Dómine Deus, perpétua mentis et córporis salúte gaudére: et gloriósa beátæ Maríæ semper Vírginis intercessióne a præsénti liberári tristítia, et ætérna pérfrui lætítia. Per Christum, Dóminum nostrum.

R. Amen.

O LUMEN

O lumen Ecclésiæ,
doctor veritátis,
rosa patiéntiæ,
ebur castitátis,
aquam sapiéntiæ propinásti gratis,
prædicátor grátiæ, nos iunge beátis. (T. P. Allelúia.)

V. Ora pro nobis, beáte Pater Domínice. (T. P. Allelúia.)
R. Ut digni efficiámur promissiónibus Christi. (T. P. Allelúia.)

H. Orémus:
Concéde, quǽsumus, omnípotens Deus, ut, qui peccatórum nostrórum póndere prémimur, beáti Dóminici, Confessóris tui, Patris nostri, patrocínio sublevémur. Per Christum, Dóminum nostrum.

R. Amen.

LITANIÆ LAURETANÆ

Kýrie, eléison.
Christe, eléison. Kýrie, eléison.

Christe audi nos.
Christe exáudi nos.

Pater de cælis Deus.  Miserére nobis.
Fili, Redémptor mundi Deus.  Miserére nobis.
Spíritus Sancte, Deus.  Miserére nobis.
Sancta Trínitas, unus Deus.  Miserére nobis.

Sancta María.  Ora pro nobis.
Sancta Dei Génitrix  Ora...
Sancta Virgo vírginum.  Ora...
Mater Christi.  Ora...
Mater Ecclésiæ.  Ora...
Mater divínæ grátiæ.  Ora...
Mater puríssima.  Ora...
Mater castíssima.  Ora...
Mater invioláta.  Ora...
Mater intemeráta.  Ora...
Mater amábilis.  Ora...
Mater admirábilis.  Ora...
Mater boni consílii.  Ora...
Mater Creatóris.  Ora...
Mater Salvatóris.  Ora...
Virgo prudentíssima.  Ora...
Virgo veneránda.  Ora...
Virgo prædicánda.  Ora...
Virgo potens.  Ora...
Virgo clemens.  Ora...
Virgo fidélis.  Ora...
Spéculum iustítiæ.  Ora...
Sedes sapiéntiæ.  Ora...
Causa nostræ lætítiæ.  Ora...
Vas spirituále.  Ora...
Vas honorábile.  Ora...
Vas insígne devotiónis.  Ora...
Rosa mýstica.  Ora...
Turris Davídica.  Ora...
Turris ebúrnea.  Ora...
Domus áurea.  Ora...
Fœderis arca.  Ora...
Jánua cæli.  Ora...
Stella matutína.  Ora...
Salus infirmórum.  Ora...
Refúgium peccatórum.  Ora...
Consolátrix afflictórum.  Ora...
Auxílium Christianórum.  Ora...
Regína Angelórum.  Ora...
Regína Patriarchárum.  Ora...
Regína Prophetárum.  Ora...
Regína Apostolórum.  Ora...
Regína Mártyrum.  Ora...
Regína Confessórum.  Ora...
Regína Vírginum.  Ora...
Regína Sanctórum ómnium.  Ora...
Regína sine labe origináli concépta.  Ora...
Regína in cælum assúmpta.  Ora...
Regína sacratíssimi Rosárii.  Ora...
Regína famíliæ.  Ora...
Regína pacis.  Ora...

V. Agnus Dei, qui tollis peccáta mundi. R. Parce nobis, Dómine.
V. Agnus Dei, qui tollis peccáta mundi. R. Exáudi nos, Dómine.
V. Agnus Dei, qui tollis peccáta mundi. R. Miserére nobis.

INVIOLATA

Invioláta, intácta et casta es, María,
quæ es effécta fúlgida cæli porta.
O Mater alma Christi caríssima,
súscipe pia laudum præcónia.
Nostra ut pura péctora sint et córpora,
te nunc flágitant devóta corda et ora.
Tua per precáta dulcísona
nobis concédas véniam per sǽcula,
o benígna,
quæ sola invioláta permansísti. (T. P. Allelúia.)

V. Ora pro nobis, sancta Dei Génitrix. (T. P. Allelúia.)
R. Ut digni efficiámur promissiónibus Christi. (T. P. Allelúia.)

H. Orémus:
Grátiam tuam, quǽsumus, Dómine, méntibus nostris infúnde, ut qui, Angelo nuntiánte, Christi Fílii tui Incarnatiónem cognóvimus, per Passiónem eius et Crucem ad Resurrectiónis glóriam perducámur. Per Christum, Dóminum nostrum.

R. Amen.

Vel:

Ubi mos est, tempore paschali eo loco cantatur antiphona Regina caeli, cantore incipiente, fratribus stantibus.

REGINA CÆLI

Regína cæli lætáre, allelúia;
Quia quem meruísti portáre, allelúia;
resurréxit, sicut dixit, allelúia;
ora pro nobis Deum, allelúia.

V. Ora pro nobis, sancta Dei Génitrix, allelúia.
R. Ut digni efficiámur promissiónibus Christi, allelúia.

H. Orémus:
Grátiam tuam, quǽsumus, Dómine, méntibus nostris infúnde, ut qui, Angelo nuntiánte, Christi Fílii tui Incarnatiónem cognóvimus, per Passiónem eius et Crucem ad Resurrectiónis glóriam perducámur. Per Christum, Dóminum nostrum.

R. Amen.

Ubi mos est, loco O lumen Ecclesiæ praesertim diebus dominicis cantatur O spem miram.

O SPEM MIRAM

R. O spem miram, quam dedísti mortis hora te fléntibus,
dum post mortem promisísti te profutúrum frátribus.

Imple, Pater, quod dixísti, nos tuis iuvans précibus. (T. P. Allelúia.)
V. Qui tot signis claruísti in ægrórum corpóribus,
nobis opem ferens Christi, ægris medére móribus.

R. Imple, Pater, quod dixísti, nos tuis iuvans précibus.
Imple, Pater, quod dixísti, nos tuis iuvans précibus.

V. Glória Patri et Fílio et Spirítui Sancto.
extra T. P.:
R. Imple, Pater, quod dixísti, nos tuis iuvans précibus.
vel T. P.:
R. Allelúia.

V. Ora pro nobis, beáte Pater Domínice. (T. P. Allelúia.)
R. Ut digni efficiámur promissiónibus Christi. (T. P. Allelúia.)

H. Orémus:
Deus, qui Ecclésiam tuam beáti Domínici, confessóris tui, Patris nostri, illumináre dignátus es méritis et doctrínis, concéde, ut eius intercessióne temporálibus non destituátur auxíliis, et spirituálibus semper profícíat increméntis. Per Christum, Dóminum nostrum.

R. Amen.

* In provincia Bohemiæ (necnon aliis in provinciis) loco O lumen feriis IV sequens antiphona ad honorem S. Hyacinti canitur:

AVE, FLORUM FLOS

Ave, florum flos, Hyacínte, omni flore púrior.
Ave, gemma preciósa, cunctis gemmis clárior.
Ave, protéctor ómnium ad te confugiéntium.
Ave, cæléstis íncola: succúrre prece sédula.
O Hyacínte sanctíssime,
O conféssor dulcíssime. (T. P. Allelúia.)

V. Ora pro nobis, beáte Hyacínte. (T. P. Allelúia.)
R. Ut digni efficiámur promissiónibus Christi. (T. P. Allelúia.)

H. Orémus:
Deus, qui beátum Hyacínthum, confessórem tuum, in divérsis natiónum pópulis óperum sanctitáte et miraculórum glória fecísti conspícuum, da nobis ut eius in mélius reformémur exémplis, et in advérsis protegámur auxíliis. Per Christum, Dóminum nostrum.

R. Amen.

* In provincia Bohemiæ loco O lumen feriis V sequens antiphona ad honorem S. Zdislavæ canitur:

MANUM SUAM

Manum suam apéruit ínopi
et palmas suas exténdit ad páuperem:
fortitúdo et decor induméntum eius
et ridébit in die novíssimo. (T. P. Allelúia.)

V. Ora pro nobis, sancta dómina Zdíslava. (T. P. Allelúia.)
R. Ut digni efficiámur promissiónibus Christi. (T. P. Allelúia.)

H. Orémus:
Deus, qui beátam Zdíslavam per offícia coniugális vitæ et ópera caritátis viam perfectiónis percúrerre docuísti, eius intercessióne concéde, ut cunctæ famíliæ iúgiter renovéntur et christianárum virtútum flóreant testimónio. Per Christum, Dominum nostrum.

R. Amen.

BREVIARIUM ROMANUM

textus in versione electronica © 2000-2018 Ing. Karel Mracek Dr.h.c. (fr. Pavel, diaconus)