BREVIARIUM ROMANUM

11 februarius 2017
PER ANNUM, hebd. V
Hebdomada I

    Invitatorium locum suum habet initio totius cursus orationis cotidianæ, scilicet præponitur aut Officio lectionis, aut Laudibus matutinis, prout ab alterutra actione liturgica dies incipit.
    Psalmo 94 (95) substitui potest psalmus 99 (100), vel 66 (67), vel 23 (24), qui, si occurrit in Officio, eius loco dicitur psalmus 94 (95).

V. Dómine, lábia mea apéries.
R. Et os meum annuntiábit laudem tuam.

Ant. Dómini est terra et plenitúdo eius; veníte, adorémus eum.

¹ Veníte, exsultémus Dómino; *
      iubilémus Deo salutári nostro.
²  Præoccupémus fáciem eius in confessióne *
      et in psalmis iubilémus ei.

Ant. Dómini est terra et plenitúdo eius; veníte, adorémus eum.

³ Quóniam Deus magnus Dóminus *
      et rex magnus super omnes deos.
⁴ Quia in manu eius sunt profúnda terræ, *
      et altitúdines móntium ipsíus sunt.
⁵ Quóniam ipsíus est mare, et ipse fecit illud, *
      et siccam manus eius formavérunt.

Ant. Dómini est terra et plenitúdo eius; veníte, adorémus eum.

⁶ Veníte, adorémus et procidámus *
      et génua flectámus ante Dóminum, qui fecit nos,
⁷ quia ipse est Deus noster, *
      et nos pópulus páscuæ eius et oves manus eius.

Ant. Dómini est terra et plenitúdo eius; veníte, adorémus eum.

   Utinam hódie vocem eius audiátis: *
⁸     «Nolíte obduráre corda vestra,
   sicut in Meríba secúndum diem Massa in desérto, †
⁹    ubi tentavérunt me patres vestri: *
     probavérunt me, etsi vidérunt ópera mea.

Ant. Dómini est terra et plenitúdo eius; veníte, adorémus eum.

¹⁰ Quadragínta annis tǽduit me generatiónis illíus, *
       et dixi: Pópulus errántium corde sunt isti.
¹¹ Et ipsi non cognovérunt vias meas; †
       ídeo iurávi in ira mea: *
       Non introíbunt in réquiem meam».

Ant. Dómini est terra et plenitúdo eius; veníte, adorémus eum.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Dómini est terra et plenitúdo eius; veníte, adorémus eum.

Vel:
(Psalmus sequens in psalterio currente adhibitur feria VI hebd. I atque feria VI hebd. III)

Ant. Dómini est terra et plenitúdo eius; veníte, adorémus eum.

¹ Iubiláte Dómino, omnis terra, *
      servíte Dómino in lætítia;
² introíte in conspéctu eius *
      in exsultatióne. –

Ant. Dómini est terra et plenitúdo eius; veníte, adorémus eum.

³ Scitóte quóniam Dóminus ipse est Deus; †
      ipse fecit nos, et ipsíus sumus, *
      pópulus eius et oves páscuæ eius. –

Ant. Dómini est terra et plenitúdo eius; veníte, adorémus eum.

⁴ Introíte portas eius in confessióne, †
      átria eius in hymnis, *
      confitémini illi, benedícite nómini eius. –
⁵ Quóniam suávis est Dóminus; †
      in ætérnum misericórdia eius, *
      et usque in generatiónem et generatiónem véritas eius.

Ant. Dómini est terra et plenitúdo eius; veníte, adorémus eum.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Dómini est terra et plenitúdo eius; veníte, adorémus eum.

Vel:
(Psalmus sequens in psalterio currente adhibitur feria IV hebd. II atque feria III hebd. III)

Ant. Dómini est terra et plenitúdo eius; veníte, adorémus eum.

² Deus misereátur nostri et benedícat nobis; *
      illúminet vultum suum super nos,
³ ut cognoscátur in terra via tua, *
      in ómnibus géntibus salutáre tuum. –

Ant. Dómini est terra et plenitúdo eius; veníte, adorémus eum.

⁴ Confiteántur tibi pópuli, Deus; *
      confiteántur tibi pópuli omnes.
⁵ Læténtur et exsúltent gentes, †
      quóniam iúdicas pópulos in æquitáte *
      et gentes in terra dírigis. –

Ant. Dómini est terra et plenitúdo eius; veníte, adorémus eum.

⁶ Confiteántur tibi pópuli, Deus, *
      confiteántur tibi pópuli omnes.
⁷ Terra dedit fructum suum; *
      benedícat nos Deus, Deus noster,
⁸ benedícat nos Deus, *
      et métuant eum omnes fines terræ.

Ant. Dómini est terra et plenitúdo eius; veníte, adorémus eum.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Dómini est terra et plenitúdo eius; veníte, adorémus eum.

Vel:
(Psalmus sequens in psalterio currente adhibitur feria III hebd. I atque dominica hebd. IV)

Ant. Dómini est terra et plenitúdo eius; veníte, adorémus eum.

¹ Dómini est terra et plenitúdo eius, *
      orbis terrárum et qui hábitant in eo.
² Quia ipse super mária fundávit eum *
      et super flúmina firmávit eum. –

Ant. Dómini est terra et plenitúdo eius; veníte, adorémus eum.

³ Quis ascéndet in montem Dómini, *
      aut quis stabit in loco sancto eius?
⁴ Innocens mánibus et mundo corde, †
      qui non levávit ad vana ánimam suam, *
      nec iurávit in dolum.
⁵ Hic accípiet benedictiónem a Dómino *
      et iustificatiónem a Deo salutári suo.
⁶ Hæc est generátio quæréntium eum, *
      quæréntium fáciem Dei Iacob. –

Ant. Dómini est terra et plenitúdo eius; veníte, adorémus eum.

⁷ Attóllite, portæ, cápita vestra, †
      et elevámini, portæ æternáles, *
      et introíbit rex glóriæ.
⁸ Quis est iste rex glóriæ? *
      Dóminus fortis et potens, Dóminus potens in prœlio. –

Ant. Dómini est terra et plenitúdo eius; veníte, adorémus eum.

⁹ Attóllite, portæ, cápita vestra, †
      et elevámini, portæ æternáles, *
      et introíbit rex glóriæ.
¹⁰ Quis est iste rex glóriæ? *
      Dóminus virtútum ipse est rex glóriæ.

Ant. Dómini est terra et plenitúdo eius; veníte, adorémus eum.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Dómini est terra et plenitúdo eius; veníte, adorémus eum.

Breviarium Romanum

textus in versione electronica © 2000-2023 Ing. Karel Mracek Dr.h.c. (fr. Pavel, diaconus, CZ)