Do | II | III | IV | V | VI | Sa |
---|---|---|---|---|---|---|
1 | 2 | 3 | ||||
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 |
S. Irenǽi, episcopi et martyris, memoria
Communia applicare
horas componere
ordinarium
officum defunctorum
dedicationis ecclesiæ
BREVIARIUM ROMANUM
Invitatorium locum suum habet initio totius cursus orationis cotidianæ,
scilicet præponitur aut Officio lectionis, aut Laudibus matutinis, prout ab alterutra actione liturgica dies incipit.
Psalmo 94 (95) substitui potest psalmus 99 (100), vel 66 (67), vel 23 (24),
qui, si occurrit in Officio, eius loco dicitur psalmus 94 (95).
V. Dómine, lábia mea apéries.
R. Et os meum annuntiábit laudem tuam.
Ant. Iubiláte Deo, omnis terra, servíte Dómino in lætítia.
1 Veníte, exsultémus Dómino; *
iubilémus Deo salutári nostro.
2 Præoccupémus fáciem eius in confessióne *
et in psalmis iubilémus ei.
Ant. Iubiláte Deo, omnis terra, servíte Dómino in lætítia.
3 Quóniam Deus magnus Dóminus *
et rex magnus super omnes deos.
4 Quia in manu eius sunt profúnda terræ, *
et altitúdines móntium ipsíus sunt.
5 Quóniam ipsíus est mare, et ipse fecit illud, *
et siccam manus eius formavérunt.
Ant. Iubiláte Deo, omnis terra, servíte Dómino in lætítia.
6 Veníte, adorémus et procidámus *
et génua flectámus ante Dóminum, qui fecit nos,
7 quia ipse est Deus noster, *
et nos pópulus páscuæ eius et oves manus eius.
Ant. Iubiláte Deo, omnis terra, servíte Dómino in lætítia.
Utinam hódie vocem eius audiátis: *
8 «Nolíte obduráre corda vestra,
sicut in Meríba secúndum diem Massa in desérto, †
9 ubi tentavérunt me patres vestri: *
probavérunt me, etsi vidérunt ópera mea.
Ant. Iubiláte Deo, omnis terra, servíte Dómino in lætítia.
10 Quadragínta annis tǽduit me generatiónis illíus, *
et dixi: Pópulus errántium corde sunt isti.
11 Et ipsi non cognovérunt vias meas; †
ídeo iurávi in ira mea: *
Non introíbunt in réquiem meam».
Ant. Iubiláte Deo, omnis terra, servíte Dómino in lætítia.
Glória Patri et Fílio *
et Spirítui Sancto,
sicut erat in princípio et nunc et semper *
et in sǽcula sæculórum. Amen.
Ant. Iubiláte Deo, omnis terra, servíte Dómino in lætítia.
Vel:
(Psalmus sequens in psalterio currente adhibitur feria VI hebd. I atque feria VI hebd. III)
Ant. Iubiláte Deo, omnis terra, servíte Dómino in lætítia.
1 Iubiláte Dómino, omnis terra, *
servíte Dómino in lætítia;
2 introíte in conspéctu eius *
in exsultatióne. –
Ant. Iubiláte Deo, omnis terra, servíte Dómino in lætítia.
3 Scitóte quóniam Dóminus ipse est Deus; †
ipse fecit nos, et ipsíus sumus, *
pópulus eius et oves páscuæ eius. –
Ant. Iubiláte Deo, omnis terra, servíte Dómino in lætítia.
4 Introíte portas eius in confessióne, †
átria eius in hymnis, *
confitémini illi, benedícite nómini eius. –
5 Quóniam suávis est Dóminus; †
in ætérnum misericórdia eius, *
et usque in generatiónem et generatiónem véritas eius.
Ant. Iubiláte Deo, omnis terra, servíte Dómino in lætítia.
Glória Patri et Fílio *
et Spirítui Sancto,
sicut erat in princípio et nunc et semper *
et in sǽcula sæculórum. Amen.
Ant. Iubiláte Deo, omnis terra, servíte Dómino in lætítia.
Vel:
(Psalmus sequens in psalterio currente adhibitur feria IV hebd. II atque feria III hebd. III)
Ant. Iubiláte Deo, omnis terra, servíte Dómino in lætítia.
2 Deus misereátur nostri et benedícat nobis; *
illúminet vultum suum super nos,
3 ut cognoscátur in terra via tua, *
in ómnibus géntibus salutáre tuum. –
Ant. Iubiláte Deo, omnis terra, servíte Dómino in lætítia.
4 Confiteántur tibi pópuli, Deus; *
confiteántur tibi pópuli omnes.
5 Læténtur et exsúltent gentes, †
quóniam iúdicas pópulos in æquitáte *
et gentes in terra dírigis. –
Ant. Iubiláte Deo, omnis terra, servíte Dómino in lætítia.
6 Confiteántur tibi pópuli, Deus, *
confiteántur tibi pópuli omnes.
7 Terra dedit fructum suum; *
benedícat nos Deus, Deus noster,
8 benedícat nos Deus, *
et métuant eum omnes fines terræ.
Ant. Iubiláte Deo, omnis terra, servíte Dómino in lætítia.
Glória Patri et Fílio *
et Spirítui Sancto,
sicut erat in princípio et nunc et semper *
et in sǽcula sæculórum. Amen.
Ant. Iubiláte Deo, omnis terra, servíte Dómino in lætítia.
Vel:
(Psalmus sequens in psalterio currente adhibitur feria III hebd. I atque dominica hebd. IV)
Ant. Iubiláte Deo, omnis terra, servíte Dómino in lætítia.
1 Dómini est terra et plenitúdo eius, *
orbis terrárum et qui hábitant in eo.
2 Quia ipse super mária fundávit eum *
et super flúmina firmávit eum. –
Ant. Iubiláte Deo, omnis terra, servíte Dómino in lætítia.
3 Quis ascéndet in montem Dómini, *
aut quis stabit in loco sancto eius?
4 Innocens mánibus et mundo corde, †
qui non levávit ad vana ánimam suam, *
nec iurávit in dolum.
5 Hic accípiet benedictiónem a Dómino *
et iustificatiónem a Deo salutári suo.
6 Hæc est generátio quæréntium eum, *
quæréntium fáciem Dei Iacob. –
Ant. Iubiláte Deo, omnis terra, servíte Dómino in lætítia.
7 Attóllite, portæ, cápita vestra, †
et elevámini, portæ æternáles, *
et introíbit rex glóriæ.
8 Quis est iste rex glóriæ? *
Dóminus fortis et potens, Dóminus potens in prœlio. –
Ant. Iubiláte Deo, omnis terra, servíte Dómino in lætítia.
9 Attóllite, portæ, cápita vestra, †
et elevámini, portæ æternáles, *
et introíbit rex glóriæ.
10 Quis est iste rex glóriæ? *
Dóminus virtútum ipse est rex glóriæ.
Ant. Iubiláte Deo, omnis terra, servíte Dómino in lætítia.
Glória Patri et Fílio *
et Spirítui Sancto,
sicut erat in princípio et nunc et semper *
et in sǽcula sæculórum. Amen.
Ant. Iubiláte Deo, omnis terra, servíte Dómino in lætítia.
Breviarium Romanum
textus in versione electronica © 2000-2023 Ing. Karel Mracek Dr.h.c. (fr. Pavel, diaconus, CZ)