BREVIARIUM ROMANUM

13 october 2023
PER ANNUM, hebd. XXVII
Hebdomada III

    Invitatorium locum suum habet initio totius cursus orationis cotidianæ, scilicet præponitur aut Officio lectionis, aut Laudibus matutinis, prout ab alterutra actione liturgica dies incipit.
    Psalmo 94 (95) substitui potest psalmus 99 (100), vel 66 (67), vel 23 (24), qui, si occurrit in Officio, eius loco dicitur psalmus 94 (95).

V. Dómine, lábia mea apéries.
R. Et os meum annuntiábit laudem tuam.

Ant. Confitémini Dómino, quia in ætérnum misericórdia eius.

¹ Veníte, exsultémus Dómino; *
      iubilémus Deo salutári nostro.
²  Præoccupémus fáciem eius in confessióne *
      et in psalmis iubilémus ei.

Ant. Confitémini Dómino, quia in ætérnum misericórdia eius.

³ Quóniam Deus magnus Dóminus *
      et rex magnus super omnes deos.
⁴ Quia in manu eius sunt profúnda terræ, *
      et altitúdines móntium ipsíus sunt.
⁵ Quóniam ipsíus est mare, et ipse fecit illud, *
      et siccam manus eius formavérunt.

Ant. Confitémini Dómino, quia in ætérnum misericórdia eius.

⁶ Veníte, adorémus et procidámus *
      et génua flectámus ante Dóminum, qui fecit nos,
⁷ quia ipse est Deus noster, *
      et nos pópulus páscuæ eius et oves manus eius.

Ant. Confitémini Dómino, quia in ætérnum misericórdia eius.

   Utinam hódie vocem eius audiátis: *
⁸     «Nolíte obduráre corda vestra,
   sicut in Meríba secúndum diem Massa in desérto, †
⁹    ubi tentavérunt me patres vestri: *
     probavérunt me, etsi vidérunt ópera mea.

Ant. Confitémini Dómino, quia in ætérnum misericórdia eius.

¹⁰ Quadragínta annis tǽduit me generatiónis illíus, *
       et dixi: Pópulus errántium corde sunt isti.
¹¹ Et ipsi non cognovérunt vias meas; †
       ídeo iurávi in ira mea: *
       Non introíbunt in réquiem meam».

Ant. Confitémini Dómino, quia in ætérnum misericórdia eius.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Confitémini Dómino, quia in ætérnum misericórdia eius.

Vel:
(Psalmus sequens in psalterio currente adhibitur feria VI hebd. I atque feria VI hebd. III)

Ant. Confitémini Dómino, quia in ætérnum misericórdia eius.

¹ Iubiláte Dómino, omnis terra, *
      servíte Dómino in lætítia;
² introíte in conspéctu eius *
      in exsultatióne. –

Ant. Confitémini Dómino, quia in ætérnum misericórdia eius.

³ Scitóte quóniam Dóminus ipse est Deus; †
      ipse fecit nos, et ipsíus sumus, *
      pópulus eius et oves páscuæ eius. –

Ant. Confitémini Dómino, quia in ætérnum misericórdia eius.

⁴ Introíte portas eius in confessióne, †
      átria eius in hymnis, *
      confitémini illi, benedícite nómini eius. –
⁵ Quóniam suávis est Dóminus; †
      in ætérnum misericórdia eius, *
      et usque in generatiónem et generatiónem véritas eius.

Ant. Confitémini Dómino, quia in ætérnum misericórdia eius.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Confitémini Dómino, quia in ætérnum misericórdia eius.

Vel:
(Psalmus sequens in psalterio currente adhibitur feria IV hebd. II atque feria III hebd. III)

Ant. Confitémini Dómino, quia in ætérnum misericórdia eius.

² Deus misereátur nostri et benedícat nobis; *
      illúminet vultum suum super nos,
³ ut cognoscátur in terra via tua, *
      in ómnibus géntibus salutáre tuum. –

Ant. Confitémini Dómino, quia in ætérnum misericórdia eius.

⁴ Confiteántur tibi pópuli, Deus; *
      confiteántur tibi pópuli omnes.
⁵ Læténtur et exsúltent gentes, †
      quóniam iúdicas pópulos in æquitáte *
      et gentes in terra dírigis. –

Ant. Confitémini Dómino, quia in ætérnum misericórdia eius.

⁶ Confiteántur tibi pópuli, Deus, *
      confiteántur tibi pópuli omnes.
⁷ Terra dedit fructum suum; *
      benedícat nos Deus, Deus noster,
⁸ benedícat nos Deus, *
      et métuant eum omnes fines terræ.

Ant. Confitémini Dómino, quia in ætérnum misericórdia eius.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Confitémini Dómino, quia in ætérnum misericórdia eius.

Vel:
(Psalmus sequens in psalterio currente adhibitur feria III hebd. I atque dominica hebd. IV)

Ant. Confitémini Dómino, quia in ætérnum misericórdia eius.

¹ Dómini est terra et plenitúdo eius, *
      orbis terrárum et qui hábitant in eo.
² Quia ipse super mária fundávit eum *
      et super flúmina firmávit eum. –

Ant. Confitémini Dómino, quia in ætérnum misericórdia eius.

³ Quis ascéndet in montem Dómini, *
      aut quis stabit in loco sancto eius?
⁴ Innocens mánibus et mundo corde, †
      qui non levávit ad vana ánimam suam, *
      nec iurávit in dolum.
⁵ Hic accípiet benedictiónem a Dómino *
      et iustificatiónem a Deo salutári suo.
⁶ Hæc est generátio quæréntium eum, *
      quæréntium fáciem Dei Iacob. –

Ant. Confitémini Dómino, quia in ætérnum misericórdia eius.

⁷ Attóllite, portæ, cápita vestra, †
      et elevámini, portæ æternáles, *
      et introíbit rex glóriæ.
⁸ Quis est iste rex glóriæ? *
      Dóminus fortis et potens, Dóminus potens in prœlio. –

Ant. Confitémini Dómino, quia in ætérnum misericórdia eius.

⁹ Attóllite, portæ, cápita vestra, †
      et elevámini, portæ æternáles, *
      et introíbit rex glóriæ.
¹⁰ Quis est iste rex glóriæ? *
      Dóminus virtútum ipse est rex glóriæ.

Ant. Confitémini Dómino, quia in ætérnum misericórdia eius.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Confitémini Dómino, quia in ætérnum misericórdia eius.

Breviarium Romanum

textus in versione electronica © 2000-2023 Ing. Karel Mracek Dr.h.c. (fr. Pavel, diaconus, CZ)