BREVIARIUM ROMANUM

30 iunius 2025
PER ANNUM, hebd. XIII
Hebdomada I

V. Deus, in adiutórium meum inténde.
R. Dómine, ad adiuvándum me festína.

Glória Patri et Fílio et Spirítui Sancto,
sicut erat in princípio et nunc et semper
et in sǽcula sæculórum. Amen.   Allelúia.

HYMNUS

Certum tenéntes órdinem,
pio poscámus péctore
hora diéi tértia
trinæ virtútis glóriam,

Ut simus habitáculum
illi Sancto Spirítui,
qui quondam in apóstolis
hac hora distribútus est.

Hoc gradiénte órdine,
ornávit cuncta spléndide
regni cæléstis cónditor
ad nostra ætérna prǽmia.

Deo Patri sit glória
eiúsque soli Fílio
cum Spíritu Paráclito,
in sempitérna sǽcula. Amen.

PSALMODIA

Ant. 1 Lex Dómini lætíficat corda et illúminat óculos.

Estote vos perfécti, sicut et Pater vester cælestis perfectus est. (Mt 5, 48)

⁸  Lex Dómini immaculáta, refíciens ánimam, *
      testimónium Dómini fidéle, sapiéntiam præstans párvulis.
⁹  Iustítiæ Dómini rectæ, lætificántes corda, *
      præcéptum Dómini lúcidum, illúminans óculos.
¹⁰ Timor Dómini mundus, pérmanens in sǽculum sǽculi, *
      iudícia Dómini vera, iusta ómnia simul,
¹¹ desiderabília super aurum et lápidem pretiósum multum *
      et dulcióra super mel et favum stillántem. –

¹² Etenim servus tuus erudítur in eis; *
      in custodiéndis illis retribútio multa.
¹³ Erróres quis intéllegit? †
      Ab occúltis munda me, *
¹⁴   et a supérbia custódi servum tuum, ne dominétur mei.
    Tunc immaculátus ero *
      et emundábor a delícto máximo. –

¹⁵ Sint ut compláceant elóquia oris mei *
      et meditátio cordis mei in conspéctu tuo.
    Dómine, adiútor meus *
      et redémptor meus.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. 1 Lex Dómini lætíficat corda et illúminat óculos.

Ant. 2 Exsúrget Dóminus iudicáre pópulos in iustítia.

Ecce iudex ante ianuam assistit (Iac 5, 9)

² Dómine Deus meus, in te sperávi; *
      salvum me fac ex ómnibus persequéntibus me et líbera me,
³ ne quando rápiat ut leo ánimam meam *
      discérpens, dum non est qui salvum fáciat. –

⁴ Dómine Deus meus, si feci istud, *
      si est iníquitas in mánibus meis
⁵ si réddidi retribuénti mihi mala *
      et exspoliávi inimícum meum dimíttens inánem,
⁶ persequátur inimícus ánimam meam et comprehéndat †
      et concúlcet in terra vitam meam *
      et glóriam meam in púlverem dedúcat. –

⁷ Exsúrge, Dómine, in ira tua *
      et exaltáre contra indignatiónem inimicórum meórum
   et exsúrge, Deus meus, *
      in iudício, quod mandásti.
⁸ Et synagóga populórum circúmdabit te, †
      et super hanc in altum regrédere: *
      Dóminus iúdicat pópulos.
⁹ Iúdica me, Dómine, secúndum iustítiam meam *
       et secúndum innocéntiam meam, quæ est in me.
¹⁰ Consumátur nequítia peccatórum; †
       et iustum confírma, *
       scrutans corda et renes Deus iustus.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. 2 Exsúrget Dóminus iudicáre pópulos in iustítia.

Ant. 3 Deus iudex iustus et fortis, qui salvos facit rectos corde.

¹¹ Adiutórium meum apud Deum, *
       qui salvos facit rectos corde.
¹² Deus iudex iustus, *
       fortis, iráscens per síngulos dies.
¹³ Nonne íterum gládium suum exácuit, *
       arcum suum teténdit et parávit illum?
¹⁴ Et parávit sibi vasa mortis, *
       sagíttas suas ardéntes effécit. –

¹⁵ Ecce partúriit iniustítiam, *
       concépit dolórem et péperit iniquitátem;
¹⁶ lacum apéruit et effódit eum *
       et íncidit in fóveam, quam fecit.
¹⁷ Convertétur dolor eius in caput eius, *
       et in vérticem ipsíus iníquitas eius descéndet.
¹⁸ Confitébor Dómino secúndum iustítiam eius *
       et psallam nómini Dómini Altíssimi.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. 3 Deus iudex iustus et fortis, qui salvos facit rectos corde.

LECTIO BREVIS

ORATIO

Orémus:

Deus, Pater óptime, qui labórem homínibus ita dedísti, ut mútua semper arte ad altióra profícerent, præsta, quǽsumus, sic nos iúgiter operári, ut filiórum in te spíritu et fratérna in omnes caritáte vivámus. Per Christum, Dominum nostrum.

    Deinde, saltem in celebratione communi, additur acclamatio:

Benedicámus Dómino.
R. Deo grátias.

Breviarium Romanum

textus in versione electronica © 2000-2023 Ing. Karel Mracek Dr.h.c. (fr. Pavel, diaconus, CZ)