BREVIARIUM ROMANUM

21 december 2026
TEMPUS ADVENTUS, hebd. IV
Hebdomada IV

V. Deus, in adiutórium meum inténde.
R. Dómine, ad adiuvándum me festína.

Glória Patri et Fílio et Spirítui Sancto,
sicut erat in princípio et nunc et semper
et in sǽcula sæculórum. Amen.   Allelúia.

HYMNUS

Dicámus laudes Dómino
fervénte prompti spíritu;
hora volúta séxies
nos ad orándum próvocat.

In hac enim fidélibus
veræ salútis glória,
beáti Agni hóstia,
crucis virtúte rédditur.

Cuius luce claríssima
tenébricat merídies;
sumámus toto péctore
tanti splendóris grátiam.

Deo Patri sit glória
eiúsque soli Fílio
cum Spíritu Paráclito,
in sempitérna sǽcula. Amen.

PSALMODIA

Ant. Gábriel ángelus locútus est Maríæ, dicens: Ave, grátia plena; Dóminus tecum; benedícta tu inter mulíeres.

Plenitudo legis est dilectio. (Rom 13, 10)

¹²⁹ Mirabília testimónia tua, *
         ídeo servávit ea ánima mea.
¹³⁰ Declarátio sermónum tuórum illúminat *
         et intelléctum dat párvulis. –

¹³¹ Os meum apérui et attráxi spíritum, *
         quia præcépta tua desiderábam.
¹³² Convértere in me et miserére mei *
         secúndum iudícium tuum cum diligéntibus nomen tuum. –

¹³³ Gressus meos dírige secúndum elóquium tuum, *
         et non dominétur mei omnis iníquitas.
¹³⁴ Rédime me a calúmniis hóminum, *
         ut custódiam mandáta tua. –

¹³⁵ Fáciem tuam illúmina super servum tuum *
         et doce me iustificatiónes tuas.
¹³⁶ Rívulos aquárum deduxérunt óculi mei, *
         quia non custodiérunt legem tuam.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Nolite ante tempus quidquam iudicare, quoadusque veniat Dominus. (1 Cor 4, 5)

¹ Deus stetit in concílio divíno, *
      in médio deórum iúdicat. –

² „Usquequo iudicábitis iníque *
      et fácies peccatórum sumétis?
³ Iudicáte egéno et pupíllo, *
      húmilem et páuperem iustificáte.
⁴ Erípite páuperem *
      et egénum de manu peccatóris liberáte.“ –

⁵ Nesciérunt, neque intellexérunt, in ténebris ámbulant; *
      movebúntur ómnia fundaménta terræ.
⁶ Ego dixi: „Dii estis *
      et fílii Excélsi omnes.“
⁷ Vos autem sicut hómines moriémini *
      et sicut unus de princípibus cadétis. –

⁸ Surge, Deus, iúdica terram, *
      quóniam tu hereditábis in ómnibus géntibus.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

In tribulatione patientes, orationi instantes. (Rom 12, 12)

¹ Ad Dóminum, cum tribulárer, clamávi, *
      et exaudívit me.

² Dómine, líbera ánimam meam a lábiis mendácii, *
      a lingua dolósa.
³ Quid detur tibi aut quid apponátur tibi, *
      lingua dolósa?
⁴ Sagíttæ poténtis acútæ *
      cum carbónibus iuniperórum.

⁵ Heu mihi, quia peregrinátus sum in Mosoch, *
      habitávi ad tabernácula Cedar!
⁶ Multum íncola fuit ánima mea *
      cum his, qui odérunt pacem.
⁷ Ego eram pacíficus; *
      cum loquébar, illi impugnábant me.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Gábriel ángelus locútus est Maríæ, dicens: Ave, grátia plena; Dóminus tecum; benedícta tu inter mulíeres.

LECTIO BREVIS

ORATIO

Orémus:

Preces pópuli tui, quǽsumus, Dómine, cleménter exáudi, ut qui de Unigéniti tui in nostra carne advéntu lætántur, cum vénerit in sua maiestáte, ætérnæ vitæ prǽmium consequántur. Per Christum Dóminum nostrum.

    Deinde, saltem in celebratione communi, additur acclamatio:

Benedicámus Dómino.
R. Deo grátias.

Breviarium Romanum

textus in versione electronica © 2000-2023 Ing. Karel Mracek Dr.h.c. (fr. Pavel, diaconus, CZ)