☼ lat ☰

BREVIARIUM ROMANUM

8 maius 2012
Pro O.P.: Patrocinii beátæ Mariæ Virginis supra Ordinem Fratrum prædicatorum universum


Consuevit in Ecclésia beatam Mariam Virginem « titulis Advocatæ, Auxiliatricis, Adiutricis, Mediatricis » invocari, indesinenter perdurante in gratiæ oeconomia salutifero eius maternitatis munere, eo quod ipsa, « multiplici intercessione sua pergit in æternæ salutis donis nobis conciliandis » (Lumen Gentium, n. 62).
quóniam vero, ut B. Humbertus de Romans asserit, « Ipsa [B. Virgo] fuit magnum adiutorium initiandi Ordinem ... et speratur quod ducit ad finem bonum» (Opera II, 70-71), Ordo noster inde ab initio eiusdem B. Virginis Patrocinium agnoscit, ipsumque «profiteri non dubitat, iugiter experitur et omnium — fratrum ac sororum — cordi commendat, ut hoc materno fulti præsidio Salvatori intimius adhaereant » (LG, n. 62) pro ardua salvifica missione in mundo adimplenda.
Usque ad novissimam Calendarii liturgici instaurationem, apud nos Patrocinium B. M. Virginis recolebatur die 22 decembris, anniversario approbationis Ordinis ab Honorio III (22 decembris 1216). Nunc autem, attenta præcedentia feriarum Adventus, quæ omnibus memoriis præponuntur, hæc Patrocinii celebranda commemoratio proponitur mense maii — qui peculiari devotioni solet B. M. Virgini in Ecclésia dicari —, et quidem die 8, quatenus in ea diversimode aliquod B. M. Virginis eiusdem rationis titulum in diversis Propriis liturgicis celebrandum recolitur.

AD INVITATORIUM

    Invitatorium locum suum habet initio totius cursus orationis cotidianæ, scilicet præponitur aut Officio lectionis, aut Laudibus matutinis, prout ab alterutra actione liturgica dies incipit.
    Psalmo 94 (95) substitui potest psalmus 99 (100), vel 66 (67), vel 23 (24), qui, si occurrit in Officio, eius loco dicitur psalmus 94 (95).

V. Dómine, lábia mea apéries.
R. Et os meum annuntiábit laudem tuam.

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

Psalmus 94 (95)

1 Veníte, exsultémus Dómino; *
      iubilémus Deo salutári nostro.
2  Præoccupémus fáciem eius in confessióne *
      et in psalmis iubilémus ei.

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

3 Quóniam Deus magnus Dóminus *
      et rex magnus super omnes deos.
4 Quia in manu eius sunt profúnda terræ, *
      et altitúdines móntium ipsíus sunt.
5 Quóniam ipsíus est mare, et ipse fecit illud, *
      et siccam manus eius formavérunt.

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

6 Veníte, adorémus et procidámus *
      et génua flectámus ante Dóminum, qui fecit nos,
7 quia ipse est Deus noster, *
      et nos pópulus páscuæ eius et oves manus eius.

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

   Utinam hódie vocem eius audiátis: *
8     «Nolíte obduráre corda vestra,
   sicut in Meríba secúndum diem Massa in desérto, †
9    ubi tentavérunt me patres vestri: *
     probavérunt me, etsi vidérunt ópera mea.

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

10 Quadragínta annis tǽduit me generatiónis illíus, *
       et dixi: Pópulus errántium corde sunt isti.
11 Et ipsi non cognovérunt vias meas; †
       ídeo iurávi in ira mea: *
       Non introíbunt in réquiem meam».

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

Vel:
(Psalmus sequens in psalterio currente adhibitur feria VI hebd. I atque feria VI hebd. III)

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

Psalmus 99 (100)

1 Iubiláte Dómino, omnis terra, *
      servíte Dómino in lætítia;
2 introíte in conspéctu eius *
      in exsultatióne. –

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

3 Scitóte quóniam Dóminus ipse est Deus; †
      ipse fecit nos, et ipsíus sumus, *
      pópulus eius et oves páscuæ eius. –

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

4 Introíte portas eius in confessióne, †
      átria eius in hymnis, *
      confitémini illi, benedícite nómini eius. –
5 Quóniam suávis est Dóminus; †
      in ætérnum misericórdia eius, *
      et usque in generatiónem et generatiónem véritas eius.

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

Vel:
(Psalmus sequens in psalterio currente adhibitur feria IV hebd. II atque feria III hebd. III)

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

Psalmus 66 (67)

2 Deus misereátur nostri et benedícat nobis; *
      illúminet vultum suum super nos,
3 ut cognoscátur in terra via tua, *
      in ómnibus géntibus salutáre tuum. –

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

4 Confiteántur tibi pópuli, Deus; *
      confiteántur tibi pópuli omnes.
5 Læténtur et exsúltent gentes, †
      quóniam iúdicas pópulos in æquitáte *
      et gentes in terra dírigis. –

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

6 Confiteántur tibi pópuli, Deus, *
      confiteántur tibi pópuli omnes.
7 Terra dedit fructum suum; *
      benedícat nos Deus, Deus noster,
8 benedícat nos Deus, *
      et métuant eum omnes fines terræ.

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

Vel:
(Psalmus sequens in psalterio currente adhibitur feria III hebd. I atque dominica hebd. IV)

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

Psalmus 23 (24)

1 Dómini est terra et plenitúdo eius, *
      orbis terrárum et qui hábitant in eo.
2 Quia ipse super mária fundávit eum *
      et super flúmina firmávit eum. –

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

3 Quis ascéndet in montem Dómini, *
      aut quis stabit in loco sancto eius?
4 Innocens mánibus et mundo corde, †
      qui non levávit ad vana ánimam suam, *
      nec iurávit in dolum.
5 Hic accípiet benedictiónem a Dómino *
      et iustificatiónem a Deo salutári suo.
6 Hæc est generátio quæréntium eum, *
      quæréntium fáciem Dei Iacob. –

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

7 Attóllite, portæ, cápita vestra, †
      et elevámini, portæ æternáles, *
      et introíbit rex glóriæ.
8 Quis est iste rex glóriæ? *
      Dóminus fortis et potens, Dóminus potens in prœlio. –

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

9 Attóllite, portæ, cápita vestra, †
      et elevámini, portæ æternáles, *
      et introíbit rex glóriæ.
10 Quis est iste rex glóriæ? *
      Dóminus virtútum ipse est rex glóriæ.

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Patrocinium beátæ Maríæ Vírginis supra Ordinem celebrántes, iubilémus Dómino. Allelúia.
Vel, præsertim in cantu:

Salvatórem mundi in domo Vírginis de Spíritu Sancto concéptum: *
Veníte, adorémus. Allelúia.

Breviarium Romanum

textus in versione electronica © 2000-2023 Ing. Karel Mracek Dr.h.c. (fr. Pavel, diaconus, CZ)