☼ lat ☰

BREVIARIUM ROMANUM

9 iulius 2016
Pro O.P.: Ioannis de Koln presbyteri, et sociorum, martyrum


Ioannes Heer, catholicæ veritatis et pastoralis caritatis præclarus testis, natus est in Germania, initio sǽculi XVI. Frater fuit conventus Coloniensis, et a suis superioribus instanter postulavit Hollandiam petendi ut catholicos, qui sub dura persecutione calviniana erant, sublevaret. Cum ibidem parochi munere Hornariensis ecclesiæ fungeretur, ab hæreticis captus, martyr occubuit strangulatus suspendio extra muros civitatis Brielle ad Mosam, in Hollandia meridionali, ad mediam noctem inter 8 et 9 iulii 1572, una cum aliis 18 presbyteris et religiosis a proximiore civitate Gorcum maiori ex parte provenientibus. Qui omnes pro catholica veritate circa Eucharistiam et Romani Pontificis primatum in Ecclésia pariter laqueo suspensi sunt; eorumdem corpora membratim discerpta. Clemens X die 24 novembris 1675 illum et socios sollemni ritu beatificavit; Pius IX die 29 iunii 1867 sanctos proclamavit.

AD INVITATORIUM

    Invitatorium locum suum habet initio totius cursus orationis cotidianæ, scilicet præponitur aut Officio lectionis, aut Laudibus matutinis, prout ab alterutra actione liturgica dies incipit.
    Psalmo 94 (95) substitui potest psalmus 99 (100), vel 66 (67), vel 23 (24), qui, si occurrit in Officio, eius loco dicitur psalmus 94 (95).

V. Dómine, lábia mea apéries.
R. Et os meum annuntiábit laudem tuam.

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

Psalmus 94 (95)

1 Veníte, exsultémus Dómino; *
      iubilémus Deo salutári nostro.
2  Præoccupémus fáciem eius in confessióne *
      et in psalmis iubilémus ei.

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

3 Quóniam Deus magnus Dóminus *
      et rex magnus super omnes deos.
4 Quia in manu eius sunt profúnda terræ, *
      et altitúdines móntium ipsíus sunt.
5 Quóniam ipsíus est mare, et ipse fecit illud, *
      et siccam manus eius formavérunt.

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

6 Veníte, adorémus et procidámus *
      et génua flectámus ante Dóminum, qui fecit nos,
7 quia ipse est Deus noster, *
      et nos pópulus páscuæ eius et oves manus eius.

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

   Utinam hódie vocem eius audiátis: *
8     «Nolíte obduráre corda vestra,
   sicut in Meríba secúndum diem Massa in desérto, †
9    ubi tentavérunt me patres vestri: *
     probavérunt me, etsi vidérunt ópera mea.

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

10 Quadragínta annis tǽduit me generatiónis illíus, *
       et dixi: Pópulus errántium corde sunt isti.
11 Et ipsi non cognovérunt vias meas; †
       ídeo iurávi in ira mea: *
       Non introíbunt in réquiem meam».

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

Vel:
(Psalmus sequens in psalterio currente adhibitur feria VI hebd. I atque feria VI hebd. III)

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

Psalmus 99 (100)

1 Iubiláte Dómino, omnis terra, *
      servíte Dómino in lætítia;
2 introíte in conspéctu eius *
      in exsultatióne. –

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

3 Scitóte quóniam Dóminus ipse est Deus; †
      ipse fecit nos, et ipsíus sumus, *
      pópulus eius et oves páscuæ eius. –

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

4 Introíte portas eius in confessióne, †
      átria eius in hymnis, *
      confitémini illi, benedícite nómini eius. –
5 Quóniam suávis est Dóminus; †
      in ætérnum misericórdia eius, *
      et usque in generatiónem et generatiónem véritas eius.

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

Vel:
(Psalmus sequens in psalterio currente adhibitur feria IV hebd. II atque feria III hebd. III)

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

Psalmus 66 (67)

2 Deus misereátur nostri et benedícat nobis; *
      illúminet vultum suum super nos,
3 ut cognoscátur in terra via tua, *
      in ómnibus géntibus salutáre tuum. –

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

4 Confiteántur tibi pópuli, Deus; *
      confiteántur tibi pópuli omnes.
5 Læténtur et exsúltent gentes, †
      quóniam iúdicas pópulos in æquitáte *
      et gentes in terra dírigis. –

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

6 Confiteántur tibi pópuli, Deus, *
      confiteántur tibi pópuli omnes.
7 Terra dedit fructum suum; *
      benedícat nos Deus, Deus noster,
8 benedícat nos Deus, *
      et métuant eum omnes fines terræ.

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

Vel:
(Psalmus sequens in psalterio currente adhibitur feria III hebd. I atque dominica hebd. IV)

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

Psalmus 23 (24)

1 Dómini est terra et plenitúdo eius, *
      orbis terrárum et qui hábitant in eo.
2 Quia ipse super mária fundávit eum *
      et super flúmina firmávit eum. –

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

3 Quis ascéndet in montem Dómini, *
      aut quis stabit in loco sancto eius?
4 Innocens mánibus et mundo corde, †
      qui non levávit ad vana ánimam suam, *
      nec iurávit in dolum.
5 Hic accípiet benedictiónem a Dómino *
      et iustificatiónem a Deo salutári suo.
6 Hæc est generátio quæréntium eum, *
      quæréntium fáciem Dei Iacob. –

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

7 Attóllite, portæ, cápita vestra, †
      et elevámini, portæ æternáles, *
      et introíbit rex glóriæ.
8 Quis est iste rex glóriæ? *
      Dóminus fortis et potens, Dóminus potens in prœlio. –

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

9 Attóllite, portæ, cápita vestra, †
      et elevámini, portæ æternáles, *
      et introíbit rex glóriæ.
10 Quis est iste rex glóriæ? *
      Dóminus virtútum ipse est rex glóriæ.

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Veníte, adorémus Regem regum, qui beátis martýribus corónam dedit glóriæ.
Vel, præsertim in cantu:
Deum, qui suos mártyres ætérnis corónis decorávit, * Veníte, adorémus.

Breviarium Romanum

textus in versione electronica © 2000-2023 Ing. Karel Mracek Dr.h.c. (fr. Pavel, diaconus, CZ)