☼ lat ☰

BREVIARIUM ROMANUM

9 october 2018
Pro O.P.: S. Ludovici Bertrán, presbyteri


Nobilibus ac piis parentibus Valentiæ in Hispania Tarraconensi die 1 ianuarii 1526 ortus, adulescens 16 annorum patre nolente domum reliquit ad S. Iacobum contendere volens. Domum reductus, prædicatorum Ordinis aditu denegato, clam ad Capitulum accedens admonitiones audiebat. Tandem die 26 augusti anni 1544 habitum induere potuit, adhuc obstantibus parentibus. Toto animi nisu ad perfectam Fratris Prædicatoris imaginem contendens, vere «idea» Ordinis factus est et exemplar novitiis sibi traditis instruendis. Vitæ austeritatem cum apostolico zelo pro fidei dilatatione coniungens, ad extremam usque Americæ regionem, nunc Columbiam nuncupatam, mitti impetravit anno 1562.

Ibi degens 7 annos strenue pro indigenis insudavit, quorum multos — ipsum propriam linguam loquentem mirifice intellegentes — ad Evangelii lumen perduxit. Ad humanam culturam illos initiavit atque ad oppressoribus defendit, contra «conquistadores-encomenderos» fortiter agens, adhortante Bartholomæo Las Casas. In patriam reversus anno 1569, apostolicis ministeriis vitæ christianæ ac religiosæ renovationi se totum devovens, studio sanctitatis impensius intendit, cuius timor Domini propria nota fuit. Obiit Valentiæ die 9 octobris anno 1581. Clemens X die 12 aprilis 1671 inter sanctos illum rettulit. Eius corpus anno 1936, sæviente bello civili, combustum est.

AD INVITATORIUM

    Invitatorium locum suum habet initio totius cursus orationis cotidianæ, scilicet præponitur aut Officio lectionis, aut Laudibus matutinis, prout ab alterutra actione liturgica dies incipit.
    Psalmo 94 (95) substitui potest psalmus 99 (100), vel 66 (67), vel 23 (24), qui, si occurrit in Officio, eius loco dicitur psalmus 94 (95).

V. Dómine, lábia mea apéries.
R. Et os meum annuntiábit laudem tuam.

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

Psalmus 94 (95)

1 Veníte, exsultémus Dómino; *
      iubilémus Deo salutári nostro.
2  Præoccupémus fáciem eius in confessióne *
      et in psalmis iubilémus ei.

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

3 Quóniam Deus magnus Dóminus *
      et rex magnus super omnes deos.
4 Quia in manu eius sunt profúnda terræ, *
      et altitúdines móntium ipsíus sunt.
5 Quóniam ipsíus est mare, et ipse fecit illud, *
      et siccam manus eius formavérunt.

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

6 Veníte, adorémus et procidámus *
      et génua flectámus ante Dóminum, qui fecit nos,
7 quia ipse est Deus noster, *
      et nos pópulus páscuæ eius et oves manus eius.

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

   Utinam hódie vocem eius audiátis: *
8     «Nolíte obduráre corda vestra,
   sicut in Meríba secúndum diem Massa in desérto, †
9    ubi tentavérunt me patres vestri: *
     probavérunt me, etsi vidérunt ópera mea.

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

10 Quadragínta annis tǽduit me generatiónis illíus, *
       et dixi: Pópulus errántium corde sunt isti.
11 Et ipsi non cognovérunt vias meas; †
       ídeo iurávi in ira mea: *
       Non introíbunt in réquiem meam».

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

Vel:
(Psalmus sequens in psalterio currente adhibitur feria VI hebd. I atque feria VI hebd. III)

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

Psalmus 99 (100)

1 Iubiláte Dómino, omnis terra, *
      servíte Dómino in lætítia;
2 introíte in conspéctu eius *
      in exsultatióne. –

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

3 Scitóte quóniam Dóminus ipse est Deus; †
      ipse fecit nos, et ipsíus sumus, *
      pópulus eius et oves páscuæ eius. –

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

4 Introíte portas eius in confessióne, †
      átria eius in hymnis, *
      confitémini illi, benedícite nómini eius. –
5 Quóniam suávis est Dóminus; †
      in ætérnum misericórdia eius, *
      et usque in generatiónem et generatiónem véritas eius.

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

Vel:
(Psalmus sequens in psalterio currente adhibitur feria IV hebd. II atque feria III hebd. III)

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

Psalmus 66 (67)

2 Deus misereátur nostri et benedícat nobis; *
      illúminet vultum suum super nos,
3 ut cognoscátur in terra via tua, *
      in ómnibus géntibus salutáre tuum. –

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

4 Confiteántur tibi pópuli, Deus; *
      confiteántur tibi pópuli omnes.
5 Læténtur et exsúltent gentes, †
      quóniam iúdicas pópulos in æquitáte *
      et gentes in terra dírigis. –

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

6 Confiteántur tibi pópuli, Deus, *
      confiteántur tibi pópuli omnes.
7 Terra dedit fructum suum; *
      benedícat nos Deus, Deus noster,
8 benedícat nos Deus, *
      et métuant eum omnes fines terræ.

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

Vel:
(Psalmus sequens in psalterio currente adhibitur feria III hebd. I atque dominica hebd. IV)

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

Psalmus 23 (24)

1 Dómini est terra et plenitúdo eius, *
      orbis terrárum et qui hábitant in eo.
2 Quia ipse super mária fundávit eum *
      et super flúmina firmávit eum. –

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

3 Quis ascéndet in montem Dómini, *
      aut quis stabit in loco sancto eius?
4 Innocens mánibus et mundo corde, †
      qui non levávit ad vana ánimam suam, *
      nec iurávit in dolum.
5 Hic accípiet benedictiónem a Dómino *
      et iustificatiónem a Deo salutári suo.
6 Hæc est generátio quæréntium eum, *
      quæréntium fáciem Dei Iacob. –

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

7 Attóllite, portæ, cápita vestra, †
      et elevámini, portæ æternáles, *
      et introíbit rex glóriæ.
8 Quis est iste rex glóriæ? *
      Dóminus fortis et potens, Dóminus potens in prœlio. –

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

9 Attóllite, portæ, cápita vestra, †
      et elevámini, portæ æternáles, *
      et introíbit rex glóriæ.
10 Quis est iste rex glóriæ? *
      Dóminus virtútum ipse est rex glóriæ.

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Christum Dóminum, gemmam sacerdótum, veníte, adorémus.

Vel, præsertim in cantu: Iubilémus magno Regi, conditóri sæculórum:
* In quo vivit Ludovícus consors glóriæ sanctórum.

Breviarium Romanum

textus in versione electronica © 2000-2023 Ing. Karel Mracek Dr.h.c. (fr. Pavel, diaconus, CZ)