☼ lat ☰

BREVIARIUM ROMANUM

23 augustus 2020
Pro O.P.: S. Rosæ de Lima, virginis


Isabella Flores, cui pulchritudo nomen « Rosa» vulgo obtinuit, Limæ in Peruvia anno 1586 orta, primus Americæ sanctitatis flos exstitit, pænitentiæ et orationis fragrantia prænitens. Plurimis donata ingenii muneribus, ut evangelicæ perfectioni plenius inhæreret inter sorores Ordinis ascribi voluit. Divinæ contemplationi insistens, alios quoque ad arcana « orationis secretæ » introducere cupiebat, libros spirituales ad hoc divulgans et vel ipsos presbyteros incitans ut omnes ad amorem orationis allicerent. Pæne reclusa in horto parentum, muneri tamen Ecclesiæ missionario animum patefaciebat: zelo ardens salutis peccatorum et « Indiorum », pro quibus vitam donare cupiebat, voluntariis afflictationibus se subiciebat ut Christo eos lucrifaceret, « dolens, mulier cum esset, quod se applicare nequiret muneri apostolico ». Damnum peccati serio perpendens, « de seipsa petram et calcem facere vellet ut inferni ostium omnibus clauderet ». Amore Iesu in Eucharistiæ Sacramento ac in Deiparam Virginem pietate flagrans, eius Rosarium inenarrabili zelo propagare sategit, illum existimans omnem christianum debere «voce prædicare et in corde infixum tenere». Limæ obiit die 24 augusti anno 1617, 31 annos nata. A Clemente IX inter beatos relata anno 1668, a Clemente X sancta fuit declarata die 12 aprilis 1671. Ex anno 1671 America meridionalis patronam eam veneratur.

AD INVITATORIUM

    Invitatorium locum suum habet initio totius cursus orationis cotidianæ, scilicet præponitur aut Officio lectionis, aut Laudibus matutinis, prout ab alterutra actione liturgica dies incipit.
    Psalmo 94 (95) substitui potest psalmus 99 (100), vel 66 (67), vel 23 (24), qui, si occurrit in Officio, eius loco dicitur psalmus 94 (95).

V. Dómine, lábia mea apéries.
R. Et os meum annuntiábit laudem tuam.

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

Psalmus 94 (95)

1 Veníte, exsultémus Dómino; *
      iubilémus Deo salutári nostro.
2  Præoccupémus fáciem eius in confessióne *
      et in psalmis iubilémus ei.

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

3 Quóniam Deus magnus Dóminus *
      et rex magnus super omnes deos.
4 Quia in manu eius sunt profúnda terræ, *
      et altitúdines móntium ipsíus sunt.
5 Quóniam ipsíus est mare, et ipse fecit illud, *
      et siccam manus eius formavérunt.

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

6 Veníte, adorémus et procidámus *
      et génua flectámus ante Dóminum, qui fecit nos,
7 quia ipse est Deus noster, *
      et nos pópulus páscuæ eius et oves manus eius.

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

   Utinam hódie vocem eius audiátis: *
8     «Nolíte obduráre corda vestra,
   sicut in Meríba secúndum diem Massa in desérto, †
9    ubi tentavérunt me patres vestri: *
     probavérunt me, etsi vidérunt ópera mea.

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

10 Quadragínta annis tǽduit me generatiónis illíus, *
       et dixi: Pópulus errántium corde sunt isti.
11 Et ipsi non cognovérunt vias meas; †
       ídeo iurávi in ira mea: *
       Non introíbunt in réquiem meam».

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

Vel:
(Psalmus sequens in psalterio currente adhibitur feria VI hebd. I atque feria VI hebd. III)

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

Psalmus 99 (100)

1 Iubiláte Dómino, omnis terra, *
      servíte Dómino in lætítia;
2 introíte in conspéctu eius *
      in exsultatióne. –

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

3 Scitóte quóniam Dóminus ipse est Deus; †
      ipse fecit nos, et ipsíus sumus, *
      pópulus eius et oves páscuæ eius. –

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

4 Introíte portas eius in confessióne, †
      átria eius in hymnis, *
      confitémini illi, benedícite nómini eius. –
5 Quóniam suávis est Dóminus; †
      in ætérnum misericórdia eius, *
      et usque in generatiónem et generatiónem véritas eius.

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

Vel:
(Psalmus sequens in psalterio currente adhibitur feria IV hebd. II atque feria III hebd. III)

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

Psalmus 66 (67)

2 Deus misereátur nostri et benedícat nobis; *
      illúminet vultum suum super nos,
3 ut cognoscátur in terra via tua, *
      in ómnibus géntibus salutáre tuum. –

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

4 Confiteántur tibi pópuli, Deus; *
      confiteántur tibi pópuli omnes.
5 Læténtur et exsúltent gentes, †
      quóniam iúdicas pópulos in æquitáte *
      et gentes in terra dírigis. –

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

6 Confiteántur tibi pópuli, Deus, *
      confiteántur tibi pópuli omnes.
7 Terra dedit fructum suum; *
      benedícat nos Deus, Deus noster,
8 benedícat nos Deus, *
      et métuant eum omnes fines terræ.

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

Vel:
(Psalmus sequens in psalterio currente adhibitur feria III hebd. I atque dominica hebd. IV)

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

Psalmus 23 (24)

1 Dómini est terra et plenitúdo eius, *
      orbis terrárum et qui hábitant in eo.
2 Quia ipse super mária fundávit eum *
      et super flúmina firmávit eum. –

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

3 Quis ascéndet in montem Dómini, *
      aut quis stabit in loco sancto eius?
4 Innocens mánibus et mundo corde, †
      qui non levávit ad vana ánimam suam, *
      nec iurávit in dolum.
5 Hic accípiet benedictiónem a Dómino *
      et iustificatiónem a Deo salutári suo.
6 Hæc est generátio quæréntium eum, *
      quæréntium fáciem Dei Iacob. –

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

7 Attóllite, portæ, cápita vestra, †
      et elevámini, portæ æternáles, *
      et introíbit rex glóriæ.
8 Quis est iste rex glóriæ? *
      Dóminus fortis et potens, Dóminus potens in prœlio. –

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

9 Attóllite, portæ, cápita vestra, †
      et elevámini, portæ æternáles, *
      et introíbit rex glóriæ.
10 Quis est iste rex glóriæ? *
      Dóminus virtútum ipse est rex glóriæ.

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Laudémus Deum nostrum, in sanctis opéribus beátæ Rosæ.

Vel:
Christum Regem, quem Rosa toto diléxit corde, veníte, adorémus.

Breviarium Romanum

textus in versione electronica © 2000-2023 Ing. Karel Mracek Dr.h.c. (fr. Pavel, diaconus, CZ)