☼ lat ☰

BREVIARIUM ROMANUM

8 augustus 2025
Pro O.P.: S. P. Dominici, presbyteri


Calarogæ [Caleruega] in Hispania anno circiter 1172-73 natus, Palenciæ theologicis disciplinis incubuit ac misericordia in pauperes enituit. Canonicus Oxomensis [Osma], orationis studio ac regiminis prudentia ut Supprior (1201) profecit. In partibus Tolosanis hæresi Albigensi perturbatis, prædicationis sedulus minister effectus (1206), evangelicæ paupertatis exemplo ac fraterno in doctrina dialogo novam, approbante Innocentio III, fidei proponendæ rationem attulit. Mulierum quoque partem plurimi faciens in evangelizationis labore, monasterium pro illis Prouille fundavit (1206), quod ipsis proficiendi locum præbere et prædicatoribus auxilium vel, pro adiunctis, refugium præstare posset. Quorundam in « prædicatione Iesu Christi » sociorum oblationem in suis excipiens manibus, primam fraternitatem conventualem Tolosæ con- stituit (1215), novi Ordinis ita fundamenta iaciens.

Canonicalem vitam in apostolicam augens sub Augustini Regula (1216), officium verbi, quod tunc episcoporum tantum munus erat, sibi et Ordini suscepit, quem Honorius III approbavit die 22 decembris 1216. Tunc de universali eiusdem Ordi- nis missione Romæ certior factus (18 ianuarii 1217), in Dei gratia confidens et beátæ Mariæ Virginis patrocinio innixus, fratres in universam Europam dispersit (15 augusti 1217), Parisiis et Bononiæ præsertim, præcipuis tunc studiorum centris, onerosam sibi reservans missionem in partibus Italiæ septentrionalibus hæresi cathara infestis.

«Cum Deo semper loquebatur» ut inde «et de Deo» efficaciter loqui posset. Dum fervida prædicatione Deum hominibus tradebat, vi orationis homines ad Deum trahebat. « Ubicumque virum evangelicum verbo se exhibebat et opere. Cum fratribus sociisve nemo communior, nemo iucundior, optimus et summus consolator ». Bononiæ obiit die 6 augusti 1221. Gregorius IX, qui, cardinalis Ostiæ Tiberinæ, familiarissime illo usus fuerat, ipsum sanctorum albo adscripsit die 3 iulii 1234.

AD INVITATORIUM

    Invitatorium locum suum habet initio totius cursus orationis cotidianæ, scilicet præponitur aut Officio lectionis, aut Laudibus matutinis, prout ab alterutra actione liturgica dies incipit.
    Psalmo 94 (95) substitui potest psalmus 99 (100), vel 66 (67), vel 23 (24), qui, si occurrit in Officio, eius loco dicitur psalmus 94 (95).

V. Dómine, lábia mea apéries.
R. Et os meum annuntiábit laudem tuam.

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

Psalmus 94 (95)

1 Veníte, exsultémus Dómino; *
      iubilémus Deo salutári nostro.
2  Præoccupémus fáciem eius in confessióne *
      et in psalmis iubilémus ei.

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

3 Quóniam Deus magnus Dóminus *
      et rex magnus super omnes deos.
4 Quia in manu eius sunt profúnda terræ, *
      et altitúdines móntium ipsíus sunt.
5 Quóniam ipsíus est mare, et ipse fecit illud, *
      et siccam manus eius formavérunt.

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

6 Veníte, adorémus et procidámus *
      et génua flectámus ante Dóminum, qui fecit nos,
7 quia ipse est Deus noster, *
      et nos pópulus páscuæ eius et oves manus eius.

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

   Utinam hódie vocem eius audiátis: *
8     «Nolíte obduráre corda vestra,
   sicut in Meríba secúndum diem Massa in desérto, †
9    ubi tentavérunt me patres vestri: *
     probavérunt me, etsi vidérunt ópera mea.

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

10 Quadragínta annis tǽduit me generatiónis illíus, *
       et dixi: Pópulus errántium corde sunt isti.
11 Et ipsi non cognovérunt vias meas; †
       ídeo iurávi in ira mea: *
       Non introíbunt in réquiem meam».

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

Vel:
(Psalmus sequens in psalterio currente adhibitur feria VI hebd. I atque feria VI hebd. III)

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

Psalmus 99 (100)

1 Iubiláte Dómino, omnis terra, *
      servíte Dómino in lætítia;
2 introíte in conspéctu eius *
      in exsultatióne. –

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

3 Scitóte quóniam Dóminus ipse est Deus; †
      ipse fecit nos, et ipsíus sumus, *
      pópulus eius et oves páscuæ eius. –

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

4 Introíte portas eius in confessióne, †
      átria eius in hymnis, *
      confitémini illi, benedícite nómini eius. –
5 Quóniam suávis est Dóminus; †
      in ætérnum misericórdia eius, *
      et usque in generatiónem et generatiónem véritas eius.

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

Vel:
(Psalmus sequens in psalterio currente adhibitur feria IV hebd. II atque feria III hebd. III)

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

Psalmus 66 (67)

2 Deus misereátur nostri et benedícat nobis; *
      illúminet vultum suum super nos,
3 ut cognoscátur in terra via tua, *
      in ómnibus géntibus salutáre tuum. –

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

4 Confiteántur tibi pópuli, Deus; *
      confiteántur tibi pópuli omnes.
5 Læténtur et exsúltent gentes, †
      quóniam iúdicas pópulos in æquitáte *
      et gentes in terra dírigis. –

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

6 Confiteántur tibi pópuli, Deus, *
      confiteántur tibi pópuli omnes.
7 Terra dedit fructum suum; *
      benedícat nos Deus, Deus noster,
8 benedícat nos Deus, *
      et métuant eum omnes fines terræ.

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

Vel:
(Psalmus sequens in psalterio currente adhibitur feria III hebd. I atque dominica hebd. IV)

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

Psalmus 23 (24)

1 Dómini est terra et plenitúdo eius, *
      orbis terrárum et qui hábitant in eo.
2 Quia ipse super mária fundávit eum *
      et super flúmina firmávit eum. –

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

3 Quis ascéndet in montem Dómini, *
      aut quis stabit in loco sancto eius?
4 Innocens mánibus et mundo corde, †
      qui non levávit ad vana ánimam suam, *
      nec iurávit in dolum.
5 Hic accípiet benedictiónem a Dómino *
      et iustificatiónem a Deo salutári suo.
6 Hæc est generátio quæréntium eum, *
      quæréntium fáciem Dei Iacob. –

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

7 Attóllite, portæ, cápita vestra, †
      et elevámini, portæ æternáles, *
      et introíbit rex glóriæ.
8 Quis est iste rex glóriæ? *
      Dóminus fortis et potens, Dóminus potens in prœlio. –

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

9 Attóllite, portæ, cápita vestra, †
      et elevámini, portæ æternáles, *
      et introíbit rex glóriæ.
10 Quis est iste rex glóriæ? *
      Dóminus virtútum ipse est rex glóriæ.

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Apostolórum Dóminum veníte adorémus, qui Evangélii præcónem Domínicum effécit.
Vel, praesertim in cantu:
Adsunt Domínici læta sollémnia: Laude multiplíci plaudat Ecclésia.

Breviarium Romanum

textus in versione electronica © 2000-2023 Ing. Karel Mracek Dr.h.c. (fr. Pavel, diaconus, CZ)