☼ lat ☰

BREVIARIUM ROMANUM

15 november 2025
Pro O.P.: S. Alberti Magni, episcopi et Ecclesiæ doctoris


Albertus Lavingiæ in Svevia natus est exeunte sæculo XII, vel ineunte XIII. Patavii studia complevit (1223), ibique a B. Iordano de Saxonia habitum Ordinis accepit. Ab anno 1242 usque ad annum 1248 Parisiis docuit et inter omnes discipulum diligentissimum habuit Thomam de Aquino. Discipulis ab alienis terris Parisios congregatis, frater Albertus spiritu universali novam scientiam edocuit, physicam scilicet aristotelicam secundum Iudæorum Arabumque interpretationem. Anno 1248 Studium generale Coloniæ nuper erectum rexit et Thomas illuc secutus est eum. Deinde officiis variis functus, Provincialis Teutoniæ electus (1254- 1257), una cum franciscano Bonaventura strenue defendit ius Ordinum Mendicantium docendi in Universitatibus.

Episcopus Ratisbonensis consecratus anno 1260, muneri post duos annos abrenuntiavit se indignum existimans. Studio denuo deditus peregrinavit Wursburgum, Strasburgum, Coloniam. Sanctorum sapientiam cum humana scientia mirifice coniunxit, scriptis et magisterio eminenter clarus, morum vero integritate ac pastorali caritate clarior. Eximia quoque pietate in Eucharistiæ sacramentum et in Deiparam Virginem, quæ illum, ut traditur, ad perseverandum confortavit in sacro proposito, enituit. Insignia sacræ doctrinæ aliarumque scientiarum documenta reliquit, dignus qui « magnus » diceretur ac « doctor universalis ». Obiit die 15 novembris anno 1280 Coloniæ Agrippinæ [Köln]. Pius II anno 1459 inter sanctissimos doctores Ecclesiæ Albertum annumeravit. Pius XI die 16 decembris 1931 sanctum declaravit ac Pius XII patronum scientiarum naturalium cultoribus dedit.

AD INVITATORIUM

    Invitatorium locum suum habet initio totius cursus orationis cotidianæ, scilicet præponitur aut Officio lectionis, aut Laudibus matutinis, prout ab alterutra actione liturgica dies incipit.
    Psalmo 94 (95) substitui potest psalmus 99 (100), vel 66 (67), vel 23 (24), qui, si occurrit in Officio, eius loco dicitur psalmus 94 (95).

V. Dómine, lábia mea apéries.
R. Et os meum annuntiábit laudem tuam.

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

Psalmus 94 (95)

1 Veníte, exsultémus Dómino; *
      iubilémus Deo salutári nostro.
2  Præoccupémus fáciem eius in confessióne *
      et in psalmis iubilémus ei.

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

3 Quóniam Deus magnus Dóminus *
      et rex magnus super omnes deos.
4 Quia in manu eius sunt profúnda terræ, *
      et altitúdines móntium ipsíus sunt.
5 Quóniam ipsíus est mare, et ipse fecit illud, *
      et siccam manus eius formavérunt.

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

6 Veníte, adorémus et procidámus *
      et génua flectámus ante Dóminum, qui fecit nos,
7 quia ipse est Deus noster, *
      et nos pópulus páscuæ eius et oves manus eius.

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

   Utinam hódie vocem eius audiátis: *
8     «Nolíte obduráre corda vestra,
   sicut in Meríba secúndum diem Massa in desérto, †
9    ubi tentavérunt me patres vestri: *
     probavérunt me, etsi vidérunt ópera mea.

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

10 Quadragínta annis tǽduit me generatiónis illíus, *
       et dixi: Pópulus errántium corde sunt isti.
11 Et ipsi non cognovérunt vias meas; †
       ídeo iurávi in ira mea: *
       Non introíbunt in réquiem meam».

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

Vel:
(Psalmus sequens in psalterio currente adhibitur feria VI hebd. I atque feria VI hebd. III)

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

Psalmus 99 (100)

1 Iubiláte Dómino, omnis terra, *
      servíte Dómino in lætítia;
2 introíte in conspéctu eius *
      in exsultatióne. –

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

3 Scitóte quóniam Dóminus ipse est Deus; †
      ipse fecit nos, et ipsíus sumus, *
      pópulus eius et oves páscuæ eius. –

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

4 Introíte portas eius in confessióne, †
      átria eius in hymnis, *
      confitémini illi, benedícite nómini eius. –
5 Quóniam suávis est Dóminus; †
      in ætérnum misericórdia eius, *
      et usque in generatiónem et generatiónem véritas eius.

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

Vel:
(Psalmus sequens in psalterio currente adhibitur feria IV hebd. II atque feria III hebd. III)

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

Psalmus 66 (67)

2 Deus misereátur nostri et benedícat nobis; *
      illúminet vultum suum super nos,
3 ut cognoscátur in terra via tua, *
      in ómnibus géntibus salutáre tuum. –

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

4 Confiteántur tibi pópuli, Deus; *
      confiteántur tibi pópuli omnes.
5 Læténtur et exsúltent gentes, †
      quóniam iúdicas pópulos in æquitáte *
      et gentes in terra dírigis. –

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

6 Confiteántur tibi pópuli, Deus, *
      confiteántur tibi pópuli omnes.
7 Terra dedit fructum suum; *
      benedícat nos Deus, Deus noster,
8 benedícat nos Deus, *
      et métuant eum omnes fines terræ.

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

Vel:
(Psalmus sequens in psalterio currente adhibitur feria III hebd. I atque dominica hebd. IV)

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

Psalmus 23 (24)

1 Dómini est terra et plenitúdo eius, *
      orbis terrárum et qui hábitant in eo.
2 Quia ipse super mária fundávit eum *
      et super flúmina firmávit eum. –

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

3 Quis ascéndet in montem Dómini, *
      aut quis stabit in loco sancto eius?
4 Innocens mánibus et mundo corde, †
      qui non levávit ad vana ánimam suam, *
      nec iurávit in dolum.
5 Hic accípiet benedictiónem a Dómino *
      et iustificatiónem a Deo salutári suo.
6 Hæc est generátio quæréntium eum, *
      quæréntium fáciem Dei Iacob. –

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

7 Attóllite, portæ, cápita vestra, †
      et elevámini, portæ æternáles, *
      et introíbit rex glóriæ.
8 Quis est iste rex glóriæ? *
      Dóminus fortis et potens, Dóminus potens in prœlio. –

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

9 Attóllite, portæ, cápita vestra, †
      et elevámini, portæ æternáles, *
      et introíbit rex glóriæ.
10 Quis est iste rex glóriæ? *
      Dóminus virtútum ipse est rex glóriæ.

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Deum, sciéntiæ et fortitúdinis fontem, veníte, adorémus.

Vel, præsertim in cantu: Sapiéntiæ fontem adorémus Dóminum, * Qui sapiéntiæ vias edócuit Albértum.

Breviarium Romanum

textus in versione electronica © 2000-2023 Ing. Karel Mracek Dr.h.c. (fr. Pavel, diaconus, CZ)