BREVIARIUM ROMANUM

26 december 2014
S. Stephani, protomartyris

V. Deus, in adiutórium meum inténde.
R. Dómine, ad adiuvándum me festína.

Glória Patri et Fílio et Spirítui Sancto,
sicut erat in princípio et nunc et semper
et in sǽcula sæculórum. Amen.   Allelúia.

HYMNUS

Nunc, Sancte, nobis, Spíritus
unum Patri cum Fílio,
dignáre promptus íngeri
nostro refúsus péctori.

Os, lingua, mens, sensus, vigor
confessiónem pérsonent,
flamméscat igne cáritas,
accéndat ardor próximos.

Per te sciámus da Patrem
noscámus atque Fílium,
te utriúsque Spíritum
credámus omni témpore. Amen.

PSALMODIA

Ant. Erant Ioseph et María, mater Iesu, mirántes super iis, quæ dicebántur de illo.

¹⁶¹ Príncipes persecúti sunt me gratis, *
         et a verbis tuis formidávit cor meum.
¹⁶² Lætábor ego super elóquia tua, *
         sicut qui invénit spólia multa. –

¹⁶³ Mendácium ódio hábui et abominátus sum; *
         legem autem tuam diléxi.
¹⁶⁴ Sépties in die laudem dixi tibi *
         super iudícia iustítiæ tuæ. –

¹⁶⁵ Pax multa diligéntibus legem tuam, *
         et non est illis scándalum.
¹⁶⁶ Exspectábam salutáre tuum, Dómine, *
         et præcépta tua feci. –

¹⁶⁷ Custodívit ánima mea testimónia tua *
         et diléxi ea veheménter.
¹⁶⁸ Servávi mandáta tua et testimónia tua, *
         quia omnes viæ meæ in conspéctu tuo.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Diligamus nos invicem, quia caritas ex Deo est. (1 Io 4, 7)

¹ Ecce quam bonum et quam iucúndum *
      habitáre fratres in unum:
² sicut unguéntum óptimum in cápite, †
      quod descéndit in barbam, barbam Aaron, *
      quod descéndit in oram vestiménti eius;
³ sicut ros Hermon, *
      qui descéndit in montes Sion,
   quóniam illic mandávit Dóminus benedictiónem, *
      vitam usque in sǽculum.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Filius hominis traditur in manus peccatorum. (Mt 26, 45)

² Eripe me, Dómine, ab hómine malo, *
      a viro violéntiæ serva me.
³ Qui cogitavérunt mala in corde, *
      tota die constituébant prœlia.
⁴ Acuérunt linguas suas sicut serpéntis, *
      venénum áspidum sub lábiis eórum. –

⁵ Custódi me, Dómine, de manu peccatóris †
      et a viro violéntiæ serva me, *
      qui cogitavérunt supplantáre gressus meos.
⁶ Abscondérunt supérbi láqueum mihi †
      et funes extendérunt in rete, *
      iuxta iter offendícula posuérunt mihi. –

⁷ Dixi Dómino: "Deus meus es tu; *
      áuribus pércipe, Dómine, vocem deprecatiónis meæ."
⁸ Dómine, Dómine, virtus salútis meæ, *
      obumbrásti caput meum in die belli.
⁹ Ne concédas, Dómine, desidéria ímpii; *
      consília eius ne perfícias. –

¹³ Cognóvi quia fáciet Dóminus iudícium ínopis *
      et vindíctam páuperum.
¹⁴ Verúmtamen iusti confitebúntur nómini tuo, *
      et habitábunt recti in conspéctu tuo.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Erant Ioseph et María, mater Iesu, mirántes super iis, quæ dicebántur de illo.

LECTIO BREVIS

ORATIO

Orémus:

Da nobis, quǽsumus, Dómine, imitári quod cólimus, ut discámus et inimícos dilígere, quia eius natalícia celebrámus, qui novit étiam pro persecutóribus exoráre. Per Christum Dóminum nostrum.

    Deinde, saltem in celebratione communi, additur acclamatio:

Benedicámus Dómino.
R. Deo grátias.

Breviarium Romanum

textus in versione electronica © 2000-2023 Ing. Karel Mracek Dr.h.c. (fr. Pavel, diaconus, CZ)