BREVIARIUM ROMANUM

14 september 2024
In exaltatione sanctæ Crucis

V. Deus, in adiutórium meum inténde.
R. Dómine, ad adiuvándum me festína.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen. Allelúia.

    Postea laudabiliter fit conscientiæ discussio, quæ in celebratione communi inseri potest in actum pænitentialem, iuxta formulas in Missa adhibitas.

HYMNUS

Christe, qui, splendor et dies,
noctis tenébras détegis,
lucísque lumen créderis,
lumen beátis prǽdicans,

Precámur, sancte Dómine,
hac nocte nos custódias;
sit nobis in te réquies,
quiétas horas tríbue.

Somno si dantur óculi,
cor semper ad te vígilet;
tuáque dextra prótegas
fidéles, qui te díligunt.

Defénsor noster, áspice,
insidiántes réprime,
gubérna tuos fámulos,
quos sánguine mercátus es.

Sit, Christe, rex piíssime,
tibi Patríque glória,
cum Spíritu Paráclito,
in sempitérna sǽcula. Amen.

PSALMODIA

Ant. Alis suis obumbrábit tibi; non timébis a timóre noctúrno.

Ecce dedi vobis potestatem calcandi supra serpentes et scorpiones. (Lc 10, 19)

¹ Qui hábitat in protectióne Altíssimi, *
      sub umbra Omnipoténtis commorábitur.
² Dicet Dómino: †
      "Refúgium meum et fortitúdo mea, *
      Deus meus, sperábo in eum." –

³ Quóniam ipse liberábit te de láqueo venántium *
      et a verbo malígno.
⁴ Alis suis obumbrábit tibi, †
      et sub pennas eius confúgies; *
      scutum et loríca véritas eius.
⁵ Non timébis a timóre noctúrno, a sagítta volánte in die, †
⁶     a peste perambulánte in ténebris, *
      ab extermínio vastánte in merídie. –

⁷ Cadent a látere tuo mille †
      et decem mília a dextris tuis; *
      ad te autem non appropinquábit.
⁸ Verúmtamen óculis tuis considerábis, *
      et retributiónem peccatórum vidébis.
⁹ Quóniam tu es, Dómine, refúgium meum. *
      Altíssimum posuísti habitáculum tuum.
¹⁰ Non accédet ad te malum, *
      et flagéllum non appropinquábit tabernáculo tuo,
¹¹ quóniam ángelis suis mandábit de te, *
      ut custódiant te in ómnibus viis tuis. –

¹² In mánibus portábunt te, *
      ne forte offéndas ad lápidem pedem tuum.
¹³ Super áspidem et basilíscum ambulábis *
      et conculcábis leónem et dracónem. –

¹⁴ Quóniam mihi adhǽsit, liberábo eum; *
      suscípiam eum, quóniam cognóvit nomen meum.
¹⁵ Clamábit ad me, et ego exáudiam eum; †
      cum ipso sum in tribulatióne, *
      erípiam eum et glorificábo eum.
¹⁶ Longitúdine diérum replébo eum *
      et osténdam illi salutáre meum.

Glória Patri et Fílio *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Alis suis obumbrábit tibi; non timébis a timóre noctúrno.

LECTIO BREVIS

RESPONSORIUM BREVE

V. In manus tuas, Dómine, * comméndo spíritum meum.
R. In manus tuas, Dómine, * comméndo spíritum meum.
V. Redemísti nos, Dómine Deus veritátis.
R. Comméndo spíritum meum.
V. Glória Patri et Fílio * et Spirítui Sancto.
R. In manus tuas, Dómine, * comméndo spíritum meum.

CANTICUM EVANGELICUM

Ant. Salva nos, Dómine, vigilántes, custódi nos dormiéntes, ut vigilémus cum Christo et requiescámus in pace. (T.P. Allelúia.)

²⁹ Nunc dimíttis servum tuum, Dómine, *
      secúndum verbum tuum in pace,
³⁰ quia vidérunt óculi mei *
      salutáre tuum,
³¹ quod parásti *
      ante fáciem ómnium populórum,
³² lumen ad revelatiónem géntium *
      et glóriam plebis tuæ Israel.

Glória Patri et Fílio, *
    et Spirítui Sancto,
sicut erat in princípio et nunc et semper *
    et in sǽcula sæculórum. Amen.

Ant. Salva nos, Dómine, vigilántes, custódi nos dormiéntes, ut vigilémus cum Christo et requiescámus in pace. (T.P. Allelúia.)

ORATIO CONCLUSIVA

Orémus:

Vísita nos, quǽsumus, Dómine, hac nocte præsénti, ut, dilúculo tua virtúte surgéntes, de resurrectióne Christi tui gaudére valeámus. Qui vivit et regnat in sǽcula sæculórum. Amen.

Noctem quiétam et finem perféctum concédat nobis Dóminus omnípotens.
R. Amen.

    Deinde dicitur una ex sequentibus antiphonis finalibus ad B. Mariam Virginem.
    vel Antiphonæ dominicanæ traditionales.

Breviarium Romanum

textus in versione electronica © 2000-2023 Ing. Karel Mracek Dr.h.c. (fr. Pavel, diaconus, CZ)