Non esurient amplius, neque sitient amplius, neque cadet super illos sol neque ullus æstus. (Ap 7, 16)

¹ Levábo óculos meos in montes: *
      unde véniet auxílium mihi?
² Auxílium meum a Dómino, *
      qui fecit cælum et terram. –

³ Non dabit in commotiónem pedem tuum, *
      neque dormitábit, qui custódit te.
⁴ Ecce non dormitábit neque dórmiet, *
      qui custódit Israel. –

⁵ Dóminus custódit te, †
      Dóminus umbráculum tuum, *
      ad manum déxteram tuam.
⁶ Per diem sol non percútiet te, *
      neque luna per noctem. –

⁷ Dóminus custódiet te ab omni malo; *
      custódiet ánimam tuam Dóminus.
⁸ Dóminus custódiet intróitum tuum et éxitum tuum *
      ex hoc nunc et usque in sǽculum.