Dei ædificatio estis. (1 Cor 3, 9)

¹ Nisi Dóminus ædificáverit domum, *
      in vanum labórant, qui ædíficant eam.
   Nisi Dóminus custodíerit civitátem, *
      frustra vígilat, qui custódit eam. –

² Vanum est vobis ante lucem súrgere et sero quiéscere, †
      qui manducátis panem labóris, *
      quia dabit diléctis suis somnum. –

³ Ecce heréditas Dómini fílii, *
      merces fructus ventris.
⁴ Sicut sagíttæ in manu poténtis, *
      ita fílii iuventútis.
⁵ Beátus vir, qui implévit pháretram suam ex ipsis: *
      non confundétur, cum loquétur inimícis suis in porta.